Qashaǵannan munai óndirýdi keshiktirýge bolmaidy

- Munai salasynyń mamandary  Qashaǵan ken ornynan munai óndirýdi bastaýdy keiinge qaldyrýǵa bolmaitynyn aitty.

«Eger biz munai óndirýdi arttyrsaq, satylym naryǵyn joǵaltamyz. Qansha munai óndiretinimiz mańyzdy emes, ony kimge satatynymyz mańyzdyraq»,- dedi «KazService» munai servisi odaǵy tóralqasynyń tóraǵasy Rashid Jaqsylyqov.

Onyń aitýynsha, eger biz búgin jiyrma jyldyń ishinde qatynas ornatqan naryqtan bas tartatyn bolsaq, ol oryndy Iran, Arab Ámirligi, Livan basyp alýy múmkin.

«Ótkizý naryǵyn joǵaltyp almas úshin óndiris kólemin ulǵaitý qajet. Eger birqatar óndiris oryndaryndaǵy munai alýdy toqtatsaq, munai baǵasy turaqtalǵanda olardy qaita iske qosý úshin qomaqty investitsiia qajet bolady. Ony qaidan alamyz?», - dedi Jaqsylyqov.

Sóz kezegin alǵan «QazMunaiGaz» AQ eks-prezidenti, Caspian Pipeline Cons­ortium (CPC) bas direktory Qaiyrgeldi Qabyldin qazirgi ýaqytta Qashaǵannyń iske qosylýyn kútip otyrǵandar kóp ekenin aitty.

«Munai baǵasyna qatysty aitatyn bolsaq. Qashaǵannan alynǵan munai, menińshe, qara altyn baǵasyna áser etpeidi dep oilaimyn. Álem kúnine 90 mln barrel óndirip otyrǵanda, Qashaǵannan táýligine alatyn 300 myń barrel kóp emes. Menińshe, Qashaǵannyń iske qosylǵany baǵa faktoryna áser ete almaidy. Qazirgi naryq baǵamy basqa sebepterge bailanysty qalyptasyp otyr. Qazaqstan qazir táýligine 1,5 mln barrel munai óndiredi. Sondyqtan, Qashaǵannyń iske qosylýy álemdik naryqtaǵy baǵa naryǵyna áser etpeidi», - dedi Qaiyrgeldi Qabyldin.

Eske, sala keteiik, 2013 jyldyń 11 qyrkúieginde Qashaǵan ken ornynda birinshi munai óndirý jumystary bastalǵan. Alaida, 25 qyrkúiektegi apatqa bailanysty jumysy toqtatyldy.

QazAqparat