Foto: financialtribune.com
Qashaǵan men Teńiz ken ornynan óndiriletin munai quny qupiia málimet sanalady. Bul týraly Energetika ministrliginen málim etti, dep habarlaidy Kazinform agenttigi.
«1997 jylǵy 18 qarashadaǵy Soltústik Kaspii boiynsha ónimdi bólisý týraly kelisim erejelerine sáikes, Qashaǵan ken oryndarynda óndiriletin munaidyń 1 barreliniń qunyna qatysty aqparat qupiia málimetke jatady. Bul aqparatty ashý barlyq taraptyń jazbasha kelisimimen ǵana múmkin bolady. «Teńizshevroil» JShS-niń ishki saiasatyna sáikes te aqparat qupiia sanalady», - dep atap ótti ministrlik agenttiktiń resmi saýalyna orai.
Aita keteiik, ótken jyly Teńiz ken ornynan el biýdjetine 2 trln 841 mlrd 762 mln, Qashaǵannan 196 mlrd 056 mln teńge salyq tústi. Jalpy, sońǵy 10 jyldyń ishinde Tengizchevroil biýdjetke 19 trln 958 mlrd 719 mln, NCOC 982 mlrd 101 mln teńge salyq aýdardy.
