Qashaǵan ken ornynyń ekinshi kezeńi boiynsha jol kartasy pysyqtalyp, talqylanýda. Bul týraly QR Energetika ministri Nurlan Noǵaev halyq aldynda esep berý kezdesýinde aitty, dep habarlaidy QazAqparat.
«2019 jyly munai jáne kondensat eksportynyń kólemi 72,2 mln tonna bolsa, biyl 67,5 mln tonnany quraidy. Atyraý oblysynda teńiz ken ornynda quny 45,2 mlrd dollar jáne sonyń inishe qazaqstandyq úlesi 36%, iaǵni 16 mlrd dollar quraityn teńizde keleshekte keńeitý jobasy júzege asýda. 230-ǵa jýyq otandyq servistik kompaniia qurylys jumystaryna, metall konstrýktsiiasyn jasaýǵa jáne basqa da jumysqa tartyldy. Joba aiaqtalǵan soń qosymsha 12 mln tonna munai óndirýge bolady», - deidi QR Energetika ministri Nurlan Noǵaev.
Onyń aitýynsha, Qashaǵan ken ornynda 2022 jylǵa qarai táýligine 450 myń barrelge deiin munai óndirý deńgeiine qol jetkizý maqsatynda jańa gaz óńdeý zaýytyn salý jobalaryn iske asyrý jáne kompressorlardy jańǵyrtý jónindegi jumystardy jalǵastyrý júrip jatyr.
«Merdiger kompaniialarmen birge Qashaǵan ken ornynyń ekinshi kezeńi boiynsha jol kartasyn pysyqtap, qazirgi tańda talqylaýdamyz. Qýaty 1 mlrd tekshe metr bolatyn gaz óńdeý zaýytyn salý kelisimsharttyq kezeńde qosymsha shamamen 8 mln tonna munai alýǵa múmkindik beredi. «Qarashyǵanaq» jobasy belsendi fazada jáne iske asyrý kestesimen qosa otyryp gaz boiynsha óndiristik shekteýlerdi alyp tastaý investitsiialyq jobalary jáne gazdy keri aidaýdyń tórtinshi kompressor jobasyn júzege asyrý josparlanýda. Qazirgi tańda bul másele aktsionerler tarapynan talqylanýda», - deidi ol.
