Elimizdegi jáne Orta Aziiadaǵy eń iri jumys berýshi kompaniialardyń biri «Samuryq-Qazyna» ulttyq ál-aýqat qory» AQ daǵdarys kezinde Qorǵa qarasty kompaniialar tobynda jumys oryndaryn saqtap, óndiristerdiń toqtap qalmaýyna basa kóńil bóledi. Bul týraly Daǵdarysqa qarsy shtabtyń onlain otyrysynda Qordyń basqarma tóraǵasy Ahmetjan Esimov málim etti, dep habarlaidy "Ult aqparat".
Shtab otyrysynda belgili bolǵandai, 2019 jyldyń qorytyndysy boiynsha «Samuryq-Qazyna» ulttyq ál-aýqat qory» Ulttyq kompaniiasy oń qarjylai nátije kórsetken. Osylaisha, sońǵy eki jylda jinalǵan qarjylai turaqtylyq qory «Samuryq-Qazynaǵa» daǵdarys kezinde qalypty jumys isteýge múmkindik beredi.
Shtabtyń onlain otyrysynda Ahmetjan Esimov 2019 jyly negizgi óndiristik indekatorlar boiynsha josparly nátijeler oryndalǵanyn, al, daǵdarys kezinde eń bastysy jumys oryndaryn saqtap qalýǵa basa nazar bólý kerek dep atap ótti.
«Sońǵy eki jylda Qor syrtqy qaryzyn merziminen buryn tólep, 8 mlrd AQSh dollaryna qysqartty. Qazirgi resmi valiýta baǵamyn esepke alsaq, biz valiýta baǵamyna qatysty táýekeldi 1 trln teńgege deiin únemdedik. Bul óz kezeginde bizdiń kompaniialarǵa daǵdarys kezinde shtatty rejimde jáne óndiristi toqtatpai, jumys isteýge múmkindik beredi. Ulttyq ekonomikanyń eń negizgi salalaryndaǵy iri kompaniialardyń barlyǵy, atap aitsaq, munai, elektroenergetika, ýran siiaqty saladardaǵy kompaniialar turaqty jumys istep tur», - dedi Ahmetjan Esimov.
Sonymen qatar, otyrysta belgili bolǵandai, qazir Qytaimen aradaǵy temirjol konteinerleriniń tasymaly qaita jandana bastaǵan. Jýyq arada Qytaidan Eýraziialyq ekonomikalyq odaqqa kirmeitin Eýropa elderine degen tranzittik pochta tasymaly jandanady degen boljam bar. Qor tóraǵasy óz kezeginde «Qazaqtelekom» AQ jelilerine túsetin salmaq 30 paiyzǵa kóbeigenin atai kele, bul kompaniia kórsetip jatqan qyzmet kólemin ulǵaiyp jatqanyn kórsetedi deidi.
«Negizgi strategiialyq salalardaǵy, máselen, energetika, bailanys, logistika baǵytyndaǵy Qordyń kompaniialary daǵdarys olardyń ekonomikasyna eń minimaldy túrde áser etýi kerek ekenin esta saqtasyn. Eń bastysy – jumys oryndaryn saqtaý. Ortalyq Aziiadaǵy eń iri jumys berýshi kompaniialardyń biri retinde Qor bul mindetti eń sapaly maqsat dep esepteidi. Qazirgi daǵdarys jaǵdaiynda bul mindettiń máni artyp otyr», - dedi Ahmetjan Esimov shtabtyń onlain otyrysynda.
Memleket basshysynyń ekonomikany turaqtandyrý jónindegi jarlyǵyn oryndaý úshin «Samuryq-Qazyna» qory daǵdarys kezinde qazaqstandyq kompaniialarǵa qoldaý bildirý baǵytynda tiisti sheshim qabyldaǵan. Máselen, Qor otandyq taýar óndirýshilerdiń satyp alýǵa qatysýdaǵy múmkindikterin keńeitti. «Samruk-Kazyna Construction» AQ turǵyn úi jáne kommertsiialyq jyljymaityn múlikti jalǵa alyp otyrǵan 9000 kásipkerge jalǵa alý aqysyn eshbir aiyppulsyz 1 maýsymǵa deiin shegerdi. Bul shara jalpy sany 37 myń adamdy kómekpen qamtyp otyr. Bunymen qatar, Qor Ishki ister ministrligine, Densaýlyq saqtaý ministrligi men Eńbek jáne halyqty áleýmettik qorǵaý ministrligine bas-aiaǵy 6 mln dana jeke qorǵaný quralyn satyp alý úshin qarajat bólgen.
Birden aita ketý kerek, Qazaqstanda Covid-2019 virýsynyń órshýine bailanysty, daǵdarysqa qarsy shtabtyń onlain otyrysynda Qorǵa qarasty qorjyndyq kompaniialardyń jetekshileri Basqarma tóraǵasy Ahmetjan Esimovke kompaniianyń qyzmetkerleri koronavirýstan qalai qorǵanyp jatqany týraly aqparat berdi. Máselen, Qorǵa qarasty árbir qorjyndyq kompaniiada tótenshe jaǵdaidy basqarý jónindegi shtab qurylǵan, is-áreketter algoritmy men áreket etý jospary bekitilip, keńsedegi qyzmetkerlerdiń basym bóligi qashyqtan jumys isteýge aýysqan. Aita keteiik, koronavirýs infektsiiasyna bailanysty Prezident Qasym-Jomart Toqaevtyń jarlyǵyna sáikes, Dúniejúzilik densaýlyq saqtaý uiymynyń jańa COVID-19 koronavirýsyn pandemiia dep jariialaýyna bailanysty azamattardyń ómiri men densaýlyǵyn qorǵaý maqsatynda Qazaqstannyń barlyq aýmaǵynda 2020 jyldyń 16 naýryzy, saǵat 8.00-den bastap, 2020 jyldyń 15 sáýir saǵat 7.00-ne deiin tótenshe jaǵdai engizilgen.
Esterińizge sala keteiik, jalǵyz aktsioneri Qazaqstan Respýblikasynyń Úkimeti bolyp sanalatyn «Samuryq-Qazyna» ulttyq ál-aýqat qory» AQ Qazaqstan Respýblikasy Prezidentiniń jarlyǵymen 2008 jyly qurylǵan. 2019 jyldyń birinshi jarty jyldyǵyndaǵy málimetke sáikes, shamamen 68 mlrd dollardy qurady. «Samuryq-Qazyna» ulttyq ál-aýqat qorynyń» kompaniialar tobyna munai-gaz, kólik-logistikalyq, himiia jáne atom ónerkásibi, taý-metallýrgiia kesheni men energetika salasyndaǵy kásiporyndar kiredi.
