Erjan Birjanov Qazaqstan Respýblikasynyń qarjy vitse-ministri bolyp taǵaiyndaldy, - dep habarlaidy "Ult aqparat" Úkimettiń baspasóz qyzmetine silteme jasap.
"QR Úkimetiniń qaýlysy boiynsha, Erjan Erikuly Birjanov Qazaqstan Respýblikasynyń qarjy vitse-ministri qyzmetine taǵaiyndaldy", - delingen habarlamada.
Erjan Birjanov 1979 jyly Soltústik Qazaqstan oblysynda dúniege kelgen. Soltústik Qazaqstan memlekettik ýniversitetin, Soltústik Qazaqstan zań akademiiasyn, M.Nárikbaev atyndaǵy Qazaq memlekettik zań ýniversitetin, Biznes jáne halyqaralyq zertteýler ýniversitetin (Shveitsariia) bitirgen. Eńbek jolyn 1999 jyly SQO boiynsha Salyq komitetiniń jergilikti salyqtar sektorynyń aǵa salyq inspektory bolyp bastady.
1999-2004 jyldary SQO boiynsha Salyq komitetinde jumys istegen.
2004-2014 jyldary QR Qarjy ministrliginiń qurylymynda basshylyq laýazymdardy atqardy.
2014 jylǵy naýryz-qarasha aralyǵynda – QR Prezidenti Ákimshiligi Áleýmettik-ekonomikalyq monitoring bóliminiń sarapshysy.
2014-2017 jyldary – QR Qarjy ministrligi Memlekettik kirister komitetiniń Damý jáne jańǵyrtý departamentiniń direktory.
2017 jyly "Kazimpeks" respýblikalyq ortalyǵy" aktsionerlik qoǵamynyń basqarma tóraǵasynyń orynbasary qyzmetin atqarǵan.
2017-2021 jyldary ulttyq qaýipsizdik organdarynda qyzmet etti.
2021 jylǵy naýryzdan bastap QR eńbek jáne halyqty áleýmettik qorǵaý vitse-ministri bolǵan.
