Mudarabah Capital qarjy piramidasyna 20 million teńge salǵan áiel jurttyń kózinshe ózin órtep jiberdi, dep habarlaidy Sputnik Qazaqstan.
Qarjy piramidasy 2020 jyly qurylǵan, ony tanymal vinerler Meiirjan Tórebaev, Meiirhan Sherniiazov jáne Ázimjan Saidbaev jarnamalaǵan. Keiinirek Saidbaevqa izdeýge jariialandy.
Almaty politsiia departamenti bul qylmystyq is boiynsha 14 adam kúdikti dep tanylyp, onyń ekeýine halyqaralyq izdeý jariialanǵanyn habarlady.
"Sonymen qatar alty kúdikti qamaýǵa alyndy, úsheýine qatysty tergeý soty "kepilmen bosatý" bultartpaý sharasyn sanktsiialady, taǵy ekeýi úiqamaqta otyr, bireýi eshqaida ketpeý týraly qolhat berdi", - dep habarlady Almaty politsiiasy.
Qazirgi ýaqytta Qylmystyq kodekstiń 3-bóliginiń 217-baby (Qarjy piramidasyn qurý jáne basqarý) boiynsha 14 adam kúdikke ilingen.
Jaqyn arada qylmystyq is materialdaryn sotqa berý josparlanyp otyr. Sonymen qatar materialdyq shyǵyndy óteý máselesin sot qaraidy, dep atap ótti politseiler.
