Qarjy piramidalarynyń alaiaqtyq áreketterin bile turyp jarnamalaǵan adamdardy qylmystyq jaýapqa tartatyn zań birinshi jarty jyldyqta qabyldanýy múmkin. Bul týraly QR Parlamenti Májilisiniń tóraǵasy Erlan Qoshanov aitty, dep habarlaidy QazAqparat.
«Qarjy piramidalary, bul endi úlken, kúrdeli másele. Ásirese bizdiń óńirlerde halyqtyń, bizdiń turǵyndardyń qarjylyq saýatsyzdyǵyn paidalanyp, kóbine sondai bir alaiaqtyq ister jasap jatady. Bul endi bir jaǵynan qylmystyq is dep aitýǵa bolady. Sebebi, sol qarjy piramidalarynyń bergen ýádelerine adamdar senip, sońǵy aqshalaryn aparyp beredi. Endi ony ózderińiz bilesizder. Solaisha aiaǵynda qiyn jaǵdailarǵa ushyrap jatady. Ótkende úlken qiyn jaǵdai boldy. Bir áieldiń osynda ózin-ózi órtegenine de kýá boldyq. Sondyqtan, búginde, biz Parlament depýtattary, Májilis depýtattary zań jobasyn qazir jasap shyqtyq», - dedi ol Májilistiń baspasóz alańynda.
Onyń aitýynsha, bul zań jobasynyń qolǵa alynýyna depýttar bastamashy bolǵan.
«Taiaý ýaqytta osy zań jobasy qabyldanady. Onyń ishinde qarjy piramidalaryna bóget jasaityn baptar bar. Negizgisi qoǵamǵa belgili adamdarǵa, ártisterdiń, vainerlerdiń is-áreketterine, ásirese sol alaiaqtyq ekenin bilip turyp jarnama jasaityn bolsa, kómektesetin bolsa, olar qylmystyq jaýapqa tartylady.
Qazir dál ýaqytyn aita almaimyn. Biyl qabyldaimyz dep oilaimyn. Biyl bolǵanda, birinshi jartyjyldyqta iske alarmyz dep oilaimyn», - dedi Erlan Qoshanov.
