قارجى پيراميدالارىنىڭ الاياقتىق ەرەكەتتەرٸن بٸلە تۇرىپ جارنامالاعان ادامداردى قىلمىستىق جاۋاپقا تارتاتىن زاڭ بٸرٸنشٸ جارتى جىلدىقتا قابىلدانۋى مٷمكٸن. بۇل تۋرالى قر پارلامەنتٸ مەجٸلٸسٸنٸڭ تٶراعاسى ەرلان قوشانوۆ ايتتى, دەپ حابارلايدى قازاقپارات.
«قارجى پيراميدالارى, بۇل ەندٸ ٷلكەن, كٷردەلٸ مەسەلە. ەسٸرەسە بٸزدٸڭ ٶڭٸرلەردە حالىقتىڭ, بٸزدٸڭ تۇرعىنداردىڭ قارجىلىق ساۋاتسىزدىعىن پايدالانىپ, كٶبٸنە سونداي بٸر الاياقتىق ٸستەر جاساپ جاتادى. بۇل ەندٸ بٸر جاعىنان قىلمىستىق ٸس دەپ ايتۋعا بولادى. سەبەبٸ, سول قارجى پيراميدالارىنىڭ بەرگەن ۋەدەلەرٸنە ادامدار سەنٸپ, سوڭعى اقشالارىن اپارىپ بەرەدٸ. ەندٸ ونى ٶزدەرٸڭٸز بٸلەسٸزدەر. سولايشا اياعىندا قيىن جاعدايلارعا ۇشىراپ جاتادى. ٶتكەندە ٷلكەن قيىن جاعداي بولدى. بٸر ەيەلدٸڭ وسىندا ٶزٸن-ٶزٸ ٶرتەگەنٸنە دە كۋە بولدىق. سوندىقتان, بٷگٸندە, بٸز پارلامەنت دەپۋتاتتارى, مەجٸلٸس دەپۋتاتتارى زاڭ جوباسىن قازٸر جاساپ شىقتىق», - دەدٸ ول مەجٸلٸستٸڭ باسپاسٶز الاڭىندا.
ونىڭ ايتۋىنشا, بۇل زاڭ جوباسىنىڭ قولعا الىنۋىنا دەپۋتتار باستاماشى بولعان.
«تاياۋ ۋاقىتتا وسى زاڭ جوباسى قابىلدانادى. ونىڭ ٸشٸندە قارجى پيراميدالارىنا بٶگەت جاسايتىن باپتار بار. نەگٸزگٸسٸ قوعامعا بەلگٸلٸ ادامدارعا, ەرتٸستەردٸڭ, ۆاينەرلەردٸڭ ٸس-ەرەكەتتەرٸنە, ەسٸرەسە سول الاياقتىق ەكەنٸن بٸلٸپ تۇرىپ جارناما جاسايتىن بولسا, كٶمەكتەسەتٸن بولسا, ولار قىلمىستىق جاۋاپقا تارتىلادى.
قازٸر دەل ۋاقىتىن ايتا المايمىن. بيىل قابىلدايمىز دەپ ويلايمىن. بيىل بولعاندا, بٸرٸنشٸ جارتىجىلدىقتا ٸسكە الارمىز دەپ ويلايمىن», - دەدٸ ەرلان قوشانوۆ.
