Almaty sotyna «Astra Consulting Agensy» jáne «Alpha Lux Consulting» qarjy piramidasyna qatysty qylmystyq is tústi, habarlaidy QazAqparat.
Almaty qalasy Bostandyq aýdanynyń prokýratýrasy «Astra Consulting Agensy» JShS jáne «Alpha Lux Consulting» JShS basshylary men menedjerlerine qatysty qarjy piramidasy týraly qylmystyq isti sotqa joldady. Onyń qyzmeti salymshylarǵa 600 mln teńgeden astam shyǵyn keltirdi.
«Tergeý barysynda anyqtalǵany, uiymdastyrýshylar men menedjerler uialy telefondarǵa qońyraý shalyp, qarjylyq saýattylyq kýrstaryna shaqyrǵan. Sodan keiin olar salym somasyna bailanysty ártúrli paiyzdarmen 124 salymshyny aldap, aqshany senimgerlik basqarý týraly kelisimder jasaǵan. Investorlarǵa salym somasyna bailanysty jedel tólemder berýge ýáde etken. Qylmystyq is sheńberinde 6 adam kúdikti retinde tanylyp, olarǵa qatysty «kúzetpen ustaý» túrindegi bultartpaý sharasy tańdaldy», - dep habarlady prokýratýradan.
Qazirgi ýaqytta qylmystyq is aiaqtalyp, sotqa joldandy.
Prokýratýra organdary azamattarǵa joǵary paida tabýǵa ýáde beretin túrli kásiporyndarǵa qarajat salý týraly usynystar alǵan kezde abai bolýǵa shaqyrdy.
