الماتى سوتىنا «Astra Consulting Agensy» جەنە «Alpha Lux Consulting» قارجى پيراميداسىنا قاتىستى قىلمىستىق ٸس تٷستٸ, حابارلايدى قازاقپارات.
الماتى قالاسى بوستاندىق اۋدانىنىڭ پروكۋراتۋراسى «Astra Consulting Agensy» جشس جەنە «Alpha Lux Consulting» جشس باسشىلارى مەن مەنەدجەرلەرٸنە قاتىستى قارجى پيراميداسى تۋرالى قىلمىستىق ٸستٸ سوتقا جولدادى. ونىڭ قىزمەتٸ سالىمشىلارعا 600 ملن تەڭگەدەن استام شىعىن كەلتٸردٸ.
«تەرگەۋ بارىسىندا انىقتالعانى, ۇيىمداستىرۋشىلار مەن مەنەدجەرلەر ۇيالى تەلەفوندارعا قوڭىراۋ شالىپ, قارجىلىق ساۋاتتىلىق كۋرستارىنا شاقىرعان. سودان كەيٸن ولار سالىم سوماسىنا بايلانىستى ەرتٷرلٸ پايىزدارمەن 124 سالىمشىنى الداپ, اقشانى سەنٸمگەرلٸك باسقارۋ تۋرالى كەلٸسٸمدەر جاساعان. ينۆەستورلارعا سالىم سوماسىنا بايلانىستى جەدەل تٶلەمدەر بەرۋگە ۋەدە ەتكەن. قىلمىستىق ٸس شەڭبەرٸندە 6 ادام كٷدٸكتٸ رەتٸندە تانىلىپ, ولارعا قاتىستى «كٷزەتپەن ۇستاۋ» تٷرٸندەگٸ بۇلتارتپاۋ شاراسى تاڭدالدى», - دەپ حابارلادى پروكۋراتۋرادان.
قازٸرگٸ ۋاقىتتا قىلمىستىق ٸس اياقتالىپ, سوتقا جولداندى.
پروكۋراتۋرا ورگاندارى ازاماتتارعا جوعارى پايدا تابۋعا ۋەدە بەرەتٸن تٷرلٸ كەسٸپورىندارعا قاراجات سالۋ تۋرالى ۇسىنىستار العان كەزدە اباي بولۋعا شاقىردى.
