QR Ishki ister ministrligi «Questra Holding ins», «Questra World», «Atlantic Global Asset Management», «five Winds Asset Managent» qarjy piramidalary boiynsha tergeýdi jalǵastyrýda. Bul týraly QR IIM resmi ókili Nurdildá Oraz aitty, dep habarlaidy "Ult aqparat".
Onyń sózine qaraǵanda, qarjy piramidasynyń basshylary internet jelilerinde veb-saittar quryp, oidan shyǵarylǵan túrli investitsiialyq portfelder satqan. Alaiaqtar portfeldiń merzimi aiaqtalǵanda 300% deiin paida tabasyz dep jalǵan ýádeler bergen.
«Alaiaqtardan myńdaǵan qazaqstandyqtar zardap shekti. Zardap kólemi bir milliard teńgeden asady. Osyǵan bailanysty IIM tergeý departamenti «Questra Holding ins», «Questra World», «Atlantic Global Asset Management», «five Winds Asset Managent» kompaniialar tobynyń alaiaqtyq qyzmetinen zardap shekkenderdiń barlyǵyn IIM-ge (Nur-sultan qalasy, Táýelsizdik dańǵyly, 1 mekenjaiyna nemese 71-51-02, 71-42-94, 8-701-794-07-81, 8-701-113-56-92 nómirlerine) habarlasýdy suraidy», - dedi Nurdildá Oraz áleýmettik jelide ótken onlain brifingte.
Sondai-aq, alaiaqtardan zardap shekken ózge óńir turǵyndary turǵylyqty jeri boiynsha politsiia departamentine shaǵymdana alady.
Aita keteiik, bir aptada Qazaqstanda jalpy sany 3424 qylmys tirkeldi. Politseilerdiń jedel áreket etýi nátijesinde 2198 qylmys izi sýymai ashyldy. Onyń ishinde19 adam óltirý, 38 tonaý jáne 513 urlyq faktileri áshkere boldy.
