Memleket basshysynyń tapsyrmasyn oryndaý maqsatynda, Qarjy ministrligi «Samuryq-Qazyna» qory ázirlegen, satyp alýdyń jańa tártibin qarady, dep habarlaidy QazAqparat Qarjy ministrliginiń baspasóz qyzmetine silteme jasap.
Tártipti qaraý nátijesi boiynsha ashyqtyqty kúsheitý, biliktilik jáne tenderlik qujattamalardyń nysandaryn belgileý jáne talaptaryn ashý, tártipti memlekettik satyp alý tásilderimen jáne rásimderimen úilestirýge tiisti usynystar men eskertýler berildi.
Satyp alýdyń barlyq rásimderiniń sipattamasy Tártipte kórsetilip, ózge qujattarǵa siltemesiz jáne satyp alýǵa qatysýshylarǵa qoljetimdi bolýy tiis.
Sonymen qatar, biliktilik komissiiasynyń ótinimderdi qaraý kezinde sybailas jemqorlyq táýekelderin joiýǵa, bir kózden satyp alýdy qysqartýǵa, holdingtiń ishinde ótkiziletin, iaǵni Qordyń enshiles uiymdarynan satyp alýlardy joiýǵa usynys berildi.
Búgingi tańda «Samuryq-Qazyna» Qarjy ministrligimen birlesip osy eskertýlerdi joiý boiynsha jumys júrgizýde, onyń nátijeleri boiynsha satyp alý tártibi kelisiletin bolady.
