Ulttyq qordyń jinaqtaý fýnktsiiasy kúsheitiledi. Bul týraly Májilistiń jalpy otyrysynda QR Úkimetiniń 2019 jylǵy respýblikalyq biýdjettiń atqarylýy týraly esebin qaraý kezinde Qarjy ministri Erulan Jamaýbaev málim etti, dep habarlaidy QazAqparat.
«Byltyr Ulttyq qorǵa 4,5 trln teńge tústi. Qordy basqarýdan túsken investitsiialyq kiris 1,6 trln teńge boldy. 2019 jyldyń sońynda qor aktivteri 27,5 trln teńgeni qurady. Esep aiasynda biýdjettiń basty basymdyqtaryn negizinen Ulttyq qordan alynatyn transfertter arqyly qarjylandyrý daǵdyǵa ainalǵany aityldy. Biýdjet kodeksiniń jobasy Ulttyq qordyń jinaqtaý fýnktsiiasyn kúsheitýge baǵyttalǵanyn atap ótkim keledi», - dedi ministr.
Sonymen qatar ol kvazimemlekettik sýbektilerdiń shottaryndaǵy igerilmegen qaldyqtardy tiisti biýdjetke qaitarý máselesine toqtaldy.
«Sondai-aq kvazimemlekettik sektor sýbektileriniń dividendtik saiasatynyń kemshilikteri týraly da aityldy. Aǵymdaǵy saiasatty ózgertý úshin Úkimet tiisti qaýly qabyldady. Oǵan sáikes kvazimemlekettik sýbektiler 2019 jyldyń qorytyndysy boiynsha ózderiniń taza tabysynyń 100 paiyzyna deiingi mólsherde respýblikalyq biýdjetke dividend retinde tóleýdi qamtamasyz etedi. Jyl saiyn talqylanatyn máselelerdiń biri – bul kvazimemlekettik sýbektilerdiń shottaryndaǵy qaldyqtarǵa qatysty. Kvazimemlekettik sýbektilerdiń shottaryndaǵy igerilmegen qaldyqtardy biýdjetke qaitarý týraly Parlament usynys bergen bolatyn. Qazir bul jumys bastaldy. Biylǵy 1 maýsymdaǵy jaǵdai boiynsha respýblikalyq biýdjetke 8,6 mlrd. teńge qarajat qaitaryldy», - dedi E. Jamaýbaev.
