ۇلتتىق قوردىڭ جيناقتاۋ فۋنكتسيياسى كٷشەيتٸلەدٸ. بۇل تۋرالى مەجٸلٸستٸڭ جالپى وتىرىسىندا قر ٷكٸمەتٸنٸڭ 2019 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەبٸن قاراۋ كەزٸندە قارجى مينيسترٸ ەرۇلان جاماۋباەۆ مەلٸم ەتتٸ, دەپ حابارلايدى قازاقپارات.
«بىلتىر ۇلتتىق قورعا 4,5 ترلن تەڭگە تٷستٸ. قوردى باسقارۋدان تٷسكەن ينۆەستيتسييالىق كٸرٸس 1,6 ترلن تەڭگە بولدى. 2019 جىلدىڭ سوڭىندا قور اكتيۆتەرٸ 27,5 ترلن تەڭگەنٸ قۇرادى. ەسەپ اياسىندا بيۋدجەتتٸڭ باستى باسىمدىقتارىن نەگٸزٸنەن ۇلتتىق قوردان الىناتىن ترانسفەرتتەر ارقىلى قارجىلاندىرۋ داعدىعا اينالعانى ايتىلدى. بيۋدجەت كودەكسٸنٸڭ جوباسى ۇلتتىق قوردىڭ جيناقتاۋ فۋنكتسيياسىن كٷشەيتۋگە باعىتتالعانىن اتاپ ٶتكٸم كەلەدٸ», - دەدٸ مينيستر.
سونىمەن قاتار ول كۆازيمەملەكەتتٸك سۋبەكتٸلەردٸڭ شوتتارىنداعى يگەرٸلمەگەن قالدىقتاردى تيٸستٸ بيۋدجەتكە قايتارۋ مەسەلەسٸنە توقتالدى.
«سونداي-اق كۆازيمەملەكەتتٸك سەكتور سۋبەكتٸلەرٸنٸڭ ديۆيدەندتٸك ساياساتىنىڭ كەمشٸلٸكتەرٸ تۋرالى دا ايتىلدى. اعىمداعى ساياساتتى ٶزگەرتۋ ٷشٸن ٷكٸمەت تيٸستٸ قاۋلى قابىلدادى. وعان سەيكەس كۆازيمەملەكەتتٸك سۋبەكتٸلەر 2019 جىلدىڭ قورىتىندىسى بويىنشا ٶزدەرٸنٸڭ تازا تابىسىنىڭ 100 پايىزىنا دەيٸنگٸ مٶلشەردە رەسپۋبليكالىق بيۋدجەتكە ديۆيدەند رەتٸندە تٶلەۋدٸ قامتاماسىز ەتەدٸ. جىل سايىن تالقىلاناتىن مەسەلەلەردٸڭ بٸرٸ – بۇل كۆازيمەملەكەتتٸك سۋبەكتٸلەردٸڭ شوتتارىنداعى قالدىقتارعا قاتىستى. كۆازيمەملەكەتتٸك سۋبەكتٸلەردٸڭ شوتتارىنداعى يگەرٸلمەگەن قالدىقتاردى بيۋدجەتكە قايتارۋ تۋرالى پارلامەنت ۇسىنىس بەرگەن بولاتىن. قازٸر بۇل جۇمىس باستالدى. بيىلعى 1 ماۋسىمداعى جاعداي بويىنشا رەسپۋبليكالىق بيۋدجەتكە 8,6 ملرد. تەڭگە قاراجات قايتارىلدى», - دەدٸ ە. جاماۋباەۆ.
