QR Qarjy ministri Erýlan Jamaýbaev dúisenbige deiin óz úiinde oqshaýlanady. Bul jaiynda atalǵan vedomstvonyń baspasóz qyzmeti habarlady.
«Ministr búgin oqshaýlandy. Buǵan deiin koronavirýs infektsiiasyna tapsyrǵan test teris shyqqan bolatyn. Biraq, qarqyndy jumys jalǵasyp jatqandyqtan, qalai degende de bir kezdesýler bolyp turady. Ministr bailanysta bolǵandardyń arasynda bireýlerden koronavirýs shyǵýy múmkin. Sondyqtan ol az ýaqyt oqshaýlanýǵa sheshim qabyldady. Merzimine qatysty aitar bolsaq, búgin beisenbi, demek, ol dúisenbige deiin oqshaýlanýy múmkin», - dedi baspasóz qyzmetinen.
Eske sala ketsek, osydan biraz kún buryn Densaýlyq saqtaý ministri Eljan Birtanov Facebook-paraqshasynda koronavirýs juqtyrǵanyn habarlaǵan edi.
12 maýsymda QR Premer-Ministri Asqar Mamin Jambyl oblysyna jumys saparymen baryp qaitqan. Onda Densaýlyq saqtaý ministri E. Birtanov ta bolǵan. Osyǵan bailanysty Úkimet basshysy oqshaýlanýǵa májbúr bolyp otyr.
Áriptesterimen birge Bilim jáne ǵylym ministri Ashat Aimaǵambetov, Aýyl sharýashylyǵy ministri Saparhan Omarov pen QR Ekologiia, geologiia jáne tabiǵi resýstar ministri Maǵzum Myrzaǵaliev óz úilerinde oqshaýlandy.
