Búgin Astanada QR Syrtqy ister ministrligi men Aýǵanstan syrtqy ister vedomstvosy arasyndaǵy kezekti konsýltatsiialar bastaldy. Islam Respýblikasynyń delegatsiiasyn syrtqy ister ministriniń orynbasary Hekmat Halil Karzai bastap keldi, dep xabarlaidy QazAqparat.
Óz sózinde Karzai myrza Qazaqstannyń BUU Qaýipsizdik keńesiniń turaqty emes múshesi bolyp sailanǵanymen quttyqtap, Aýǵanstannyń esh oilanbastan Qazaqstanǵa daýys bergenin jetkizdi. Aldaǵy ýaqytta elimizdiń osy qyzmettegi bastamalaryna qoldaý bildiretinin de atap ótti. Osydan keiin mártebeli meiman qazaq xalqynyń Aýǵanstanǵa bergen kómegi úshin alǵys aitty.
«Aýǵan eli qiynshylyq kórgende Sizder demeý bolyp, san alýan problemalardy sheshýge kómek berdińizder. Sizder aýǵan jastaryna myńdaǵan stipendiia taǵaiyndap, Qazaqstannyń mańdaialdy joǵary oqý oryndarynda bilim alýǵa jaǵdai jasadyńyzdar. Olar genetika jáne taǵy basqa ǵylym salalary boiynsha oqyp jatyr. Dál osy jastar erteń óz elin alǵa súireidi. Biz ony jaqsy túsinemiz. Sosyn 2 mln. dollar investitsiia quiǵanyńyz úshin de alǵysymyz sheksiz. Osy aqshanyń arqasynda biraz másele sheshildi», - dedi Karzai myrza.
Aýǵan delegatsiiasyn qabyldaǵan QR Syrtqy ister vitse-ministri Aqylbek Qamaldinov Qazaqstanda atqarylyp jatqan sharalarǵa qysqasha sholý jasap, eki el arasyndaǵy bailanystardyń nyǵaiyp kele jatqanyn tilge tiek etti. Konsýltatsiia kezinde taraptar prezidentter deńgeiinde qolǵa alynǵan sharalardy pysyqtap, aldaǵy josparlardy talqylap shyqty.
