بٷگٸن استانادا قر سىرتقى ٸستەر مينيسترلٸگٸ مەن اۋعانستان سىرتقى ٸستەر ۆەدومستۆوسى اراسىنداعى كەزەكتٸ كونسۋلتاتسييالار باستالدى. يسلام رەسپۋبليكاسىنىڭ دەلەگاتسيياسىن سىرتقى ٸستەر مينيسترٸنٸڭ ورىنباسارى حەكمات حاليل كارزاي باستاپ كەلدٸ, دەپ xابارلايدى قازاقپارات.
ٶز سٶزٸندە كارزاي مىرزا قازاقستاننىڭ بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولىپ سايلانعانىمەن قۇتتىقتاپ, اۋعانستاننىڭ ەش ويلانباستان قازاقستانعا داۋىس بەرگەنٸن جەتكٸزدٸ. الداعى ۋاقىتتا ەلٸمٸزدٸڭ وسى قىزمەتتەگٸ باستامالارىنا قولداۋ بٸلدٸرەتٸنٸن دە اتاپ ٶتتٸ. وسىدان كەيٸن مەرتەبەلٸ مەيمان قازاق xالقىنىڭ اۋعانستانعا بەرگەن كٶمەگٸ ٷشٸن العىس ايتتى.
«اۋعان ەلٸ قيىنشىلىق كٶرگەندە سٸزدەر دەمەۋ بولىپ, سان الۋان پروبلەمالاردى شەشۋگە كٶمەك بەردٸڭٸزدەر. سٸزدەر اۋعان جاستارىنا مىڭداعان ستيپەندييا تاعايىنداپ, قازاقستاننىڭ ماڭدايالدى جوعارى وقۋ ورىندارىندا بٸلٸم الۋعا جاعداي جاسادىڭىزدار. ولار گەنەتيكا جەنە تاعى باسقا عىلىم سالالارى بويىنشا وقىپ جاتىر. دەل وسى جاستار ەرتەڭ ٶز ەلٸن العا سٷيرەيدٸ. بٸز ونى جاقسى تٷسٸنەمٸز. سوسىن 2 ملن. دوللار ينۆەستيتسييا قۇيعانىڭىز ٷشٸن دە العىسىمىز شەكسٸز. وسى اقشانىڭ ارقاسىندا بٸراز مەسەلە شەشٸلدٸ», - دەدٸ كارزاي مىرزا.
اۋعان دەلەگاتسيياسىن قابىلداعان قر سىرتقى ٸستەر ۆيتسە-مينيسترٸ اقىلبەك قامالدينوۆ قازاقستاندا اتقارىلىپ جاتقان شارالارعا قىسقاشا شولۋ جاساپ, ەكٸ ەل اراسىنداعى بايلانىستاردىڭ نىعايىپ كەلە جاتقانىن تٸلگە تيەك ەتتٸ. كونسۋلتاتسييا كەزٸندە تاراپتار پرەزيدەنتتەر دەڭگەيٸندە قولعا الىنعان شارالاردى پىسىقتاپ, الداعى جوسپارلاردى تالقىلاپ شىقتى.
