Foto: © Public Domain
Qarjy ministrligi áleýmettik tólemge qaryzy bar kásipkerlerdiń esepshotyn buǵattaý tártibine ózgeris engizýdi josparlap otyr, - dep habarlaidy Sputnik Qazaqstan.
Qazirgi kezde Salyq kodeksine tiisti túzetý engizýge qatysty usynys bar. Oǵan sáikes, áleýmettik tólem boiynsha bereshegi bar kásipkerdiń esepshoty birden buǵattalmaidy.
"Búginde qaryzdy májbúrlep óndirip alý kezinde áleýmettik tólem boiynsha shek qoiylmaǵan. 100 teńge nemese 200 teńge qaryz bolsa, biz bank shottaryn buǵattaimyz. Ol durys emes. Sondyqtan áleýmettik tólemder boiynsha shekti kóterý kerek dep sanaimyz. Qazirgi tańda ondai shek joq", - dedi qarjy vitse-ministri Erjan Birjanov senatta ótken úkimet saǵatynda.
Otyrys kezinde Ulttyq ekonomika ministri Álibek Qýantyrov tabystyń kólemine qarai salyqty arttyrý bastamasyn túsindirdi. Onyń aitýynsha, jylyna 40 millionnan artyq tabys tabatyndar osy somadan asqan bóligine 15 protsenttik salyq tóleidi.
