Foto: freepik
Qazaqstanda 66 myńnan astam azamat resmi túrde bankrot dep tanyldy. Olardyń jalpy 250 mlrd teńge qaryzy esepten shyǵarylady, dep habarlaidy Ult.kz.
Bul týraly Memlekettik kirister komitetiniń ókili Merýert Sisembaeva málimdedi. Onyń aitýynsha, bankrottyqtyń eki negizgi rásimi boiynsha aitarlyqtai nátije bar.
Sottan tys bankrottyq aiasynda shamamen 65 myń azamat bankrot mártebesin alǵan. Bul sanat boiynsha 132 mlrd teńgege jýyq qaryz keshirilýi tiis. Al sot arqyly júrgizilgen rásim boiynsha 632 adam bankrot dep tanylǵan.
Jalpy alǵanda, eki rásim boiynsha 66 600 azamattyń 250 mlrd teńge kólemindegi bereshegi esepten shyǵarylady.
Sonymen qatar úshinshi tetik – tólem qabiletin qalpyna keltirý rásimi de qoldanylyp jatyr. Qazirgi tańda ol 1118 azamatqa qatysty iske asqan. Onyń ishinde 402 adamnyń tólem jospary bekitilip, olar qaryzyn keste boiynsha ótei bastaǵan.
Aita keteiik, buǵan deiin 400 myńǵa jýyq qazaqstandyq bankrottyq rásimine ótinish berýge nietti ekeni habarlanǵan.
