فوتو: freepik
قازاقستاندا 66 مىڭنان استام ازامات رەسمي تٷردە بانكروت دەپ تانىلدى. ولاردىڭ جالپى 250 ملرد تەڭگە قارىزى ەسەپتەن شىعارىلادى, دەپ حابارلايدى Ult.kz.
بۇل تۋرالى مەملەكەتتٸك كٸرٸستەر كوميتەتٸنٸڭ ٶكٸلٸ مەرۋەرت سيسەمباەۆا مەلٸمدەدٸ. ونىڭ ايتۋىنشا, بانكروتتىقتىڭ ەكٸ نەگٸزگٸ رەسٸمٸ بويىنشا ايتارلىقتاي نەتيجە بار.
سوتتان تىس بانكروتتىق اياسىندا شامامەن 65 مىڭ ازامات بانكروت مەرتەبەسٸن العان. بۇل سانات بويىنشا 132 ملرد تەڭگەگە جۋىق قارىز كەشٸرٸلۋٸ تيٸس. ال سوت ارقىلى جٷرگٸزٸلگەن رەسٸم بويىنشا 632 ادام بانكروت دەپ تانىلعان.
جالپى العاندا, ەكٸ رەسٸم بويىنشا 66 600 ازاماتتىڭ 250 ملرد تەڭگە كٶلەمٸندەگٸ بەرەشەگٸ ەسەپتەن شىعارىلادى.
سونىمەن قاتار ٷشٸنشٸ تەتٸك – تٶلەم قابٸلەتٸن قالپىنا كەلتٸرۋ رەسٸمٸ دە قولدانىلىپ جاتىر. قازٸرگٸ تاڭدا ول 1118 ازاماتقا قاتىستى ٸسكە اسقان. ونىڭ ٸشٸندە 402 ادامنىڭ تٶلەم جوسپارى بەكٸتٸلٸپ, ولار قارىزىن كەستە بويىنشا ٶتەي باستاعان.
ايتا كەتەيٸك, بۇعان دەيٸن 400 مىڭعا جۋىق قازاقستاندىق بانكروتتىق رەسٸمٸنە ٶتٸنٸش بەرۋگە نيەتتٸ ەكەنٸ حابارلانعان.
