Qarýly Kúshterdegi eń uzyn boily sarbaz Azat Muhamedov Aqtaý granizonyndaǵy teńiz jaiaý áskerleri brigadasynda Otan aldyndaǵy boryshyn ótep júr, dep habarlaidy QazAqparat.
Qatardaǵy jaýyngerdiń boiy – 2 metr 3 santimetr.
«Men 2021 jyly kúzgi shaqyrylymmen Almaty oblysynan Aqtaý qalasyna 25/744 áskeri bólimine Otan aldyndaǵy boryshty óteýge shaqyryldym. Qyzmetimdi aritelleriialyq dvizionnyń kózdeýshi operatory laýazymynda atqarýdamyn», - deidi Muhamedov jergilikti telearnaǵa bergen suhbatynda.
Myqty dene bitimi men boishańdyǵy sarbazǵa sporttyq normativterdi oryndaý men qarýdan oq atý kezinde, jaýyngerlik daiarlyqta da óz septigin tigizedi. Boishań sarbaz bala kezinen bokspen shuǵyldanady. Áskerge deiin de ol birqatar jarystardyń júldedlerin qanjyǵasyna bailaǵan.
Azat úshin ózine shaq keletin kiim tabý qiyn. Biraq áskeri bólimde tiisti formamen tolyqtai qamtamasyz etilgen.
«Áskeri ómirdiń qiyndyqtaryna qaraǵanda qyzyqty kezderi kóp ekenine kózim jetip keledi. Sondyqtan Qazaqstannyń azamattaryn Otan aldyndaǵy boryshyn óteýge shaqyramyn», - dedi Muhamedov.
