قارۋلى كٷشتەردەگٸ ەڭ ۇزىن بويلى سارباز ازات مۇحامەدوۆ اقتاۋ گرانيزونىنداعى تەڭٸز جاياۋ ەسكەرلەرٸ بريگاداسىندا وتان الدىنداعى بورىشىن ٶتەپ جٷر, دەپ حابارلايدى قازاقپارات.
قاتارداعى جاۋىنگەردٸڭ بويى – 2 مەتر 3 سانتيمەتر.
«مەن 2021 جىلى كٷزگٸ شاقىرىلىممەن الماتى وبلىسىنان اقتاۋ قالاسىنا 25/744 ەسكەري بٶلٸمٸنە وتان الدىنداعى بورىشتى ٶتەۋگە شاقىرىلدىم. قىزمەتٸمدٸ اريتەللەرييالىق دۆيزيوننىڭ كٶزدەۋشٸ وپەراتورى لاۋازىمىندا اتقارۋدامىن», - دەيدٸ مۇحامەدوۆ جەرگٸلٸكتٸ تەلەارناعا بەرگەن سۇحباتىندا.
مىقتى دەنە بٸتٸمٸ مەن بويشاڭدىعى ساربازعا سپورتتىق نورماتيۆتەردٸ ورىنداۋ مەن قارۋدان وق اتۋ كەزٸندە, جاۋىنگەرلٸك دايارلىقتا دا ٶز سەپتٸگٸن تيگٸزەدٸ. بويشاڭ سارباز بالا كەزٸنەن بوكسپەن شۇعىلدانادى. ەسكەرگە دەيٸن دە ول بٸرقاتار جارىستاردىڭ جٷلدەدلەرٸن قانجىعاسىنا بايلاعان.
ازات ٷشٸن ٶزٸنە شاق كەلەتٸن كيٸم تابۋ قيىن. بٸراق ەسكەري بٶلٸمدە تيٸستٸ فورمامەن تولىقتاي قامتاماسىز ەتٸلگەن.
«ەسكەري ٶمٸردٸڭ قيىندىقتارىنا قاراعاندا قىزىقتى كەزدەرٸ كٶپ ەكەنٸنە كٶزٸم جەتٸپ كەلەدٸ. سوندىقتان قازاقستاننىڭ ازاماتتارىن وتان الدىنداعى بورىشىن ٶتەۋگە شاقىرامىن», - دەدٸ مۇحامەدوۆ.
