Jaýyngerlik qarý ótkizýmen ainalysqan qylmystyq toptyń múshelerine sot úkimi shyqty, dep habarlaidy "Ult aqparat" Ulttyq qaýipsizdik komitetiniń baspasóz qyzmetine silteme jasap.
Qylmystyq biznesti uiymdastyrýshy S. Bimýrzin QR QK 287-baby 4-bóligi, al onyń sybailasy F. Týrsýnov QR QK 287-baby 4-bóligi jáne 296-baby 3-bóligi boiynsha qylmys jasaǵany úshin kináli dep tanyldy.
Olar tiisinshe 5 jáne 4 jylǵa bas bostandyǵynan aiyryldy, biraq quqyq buzýshylyqty birinshi ret jasaǵanyn, kinásin moiyndaǵanyn jáne tergeýmen qarqyndy yntymaqtastyǵyn eskere otyryp, jaza shartty túrde taǵaiyndaldy.
15 aqpanda UQK Nur-Sultan qalalyq departamentiniń qyzmetkerleri S. Bimýrzinnen 605 myń teńgege báseńdetkishi bar «TT» tapanshasy men 10 patrondy «jasyryn » satyp alǵan bolatyn.
2019 jylǵy 18 aqpanda olar taǵy da báseńdetkishi bar «PB» tapanshasy men 50 patrondy 675 myń teńgege «satyp aldy». Ol F. Tursynovqa tiesili «Kaspi Gold» bank kartasyna aýdaryldy.
12 naýryzda UQK Almaty jáne Nur-Sultan qalalyq departamentteriniń qyzmetkerleri men Ulttyq ulannyń «Búrkit» arnaiy maqsattaǵy bólimshesi S. Bimýrzin men F. Týrsynovty ustady.
F. Tursynovtyń turǵylyqty jerin tintý kezinde «Reck» markaly gazben atylatyn tapansha, salmaǵy 196 gr marihýanasy bar úsh polietilen paket, «Kaspi Gold» bank kartasy, sondai-aq is úshin máni bar ózge de zattar tabyldy.
