COVID-19 qaita qaharyna mindi. Álem boiynsha virýstyq infektsiiany juqtyrǵandar sany kúrt kóbeiip otyr. Halyqaralyq qaýymdastyqtar men memleket basshylary, sondai-aq qoǵam belsindileri pandemiianyń jaqyn ýaqytta aiaqtalmaitynyn eskertip, dabyl qaǵýda.
Osy oraida, el dárigerleri qazaqstandyqtardy "ekinshi tolqyn" bastalmas buryn saqtyq sharalaryn qolǵa alýǵa shaqyryp, jaǵdaidyń qanshalyqty qiyn bolýy múmkin ekenin eskertti.
"Qurmetti otandastar, álem bolyp pandemiianyń birinshi kezeńin bastan ótkerdik. Bul óte aýyr kezeń boldy. Kóptegen áriptesimiz úi kórmei, kúni-túni aýrýhanalarda óz qyzmetterin múltiksiz atqardy. Kóptegen dárigerler, orta jáne kishi býyn meditsina personaldary jetispedi. Osy indettiń kesirinen qanshama otandasymyz, qanshama áriptesimiz kóz jumdy. Ardaqty halaiyq, ózderińiz kýá bolǵandai, indettiń birinshi kezeńi ońai bolmady. Biz osy bolǵan jaǵdaidan sabaq alý kerekpiz. Basymyzdan ótken qaiǵyny, qorqynyshty tez umytpaiyq, aǵaiyn! Qazir maýsymdyq tumaý kezeń bastaldy. Al, álem elderinde, Evropada, Resei jáne basqa da memleketterde indettiń ekinshi kezeńi de bastalyp ketti. Sondyqtan aǵaiyn, saqtyq sharalaryn umytpaiyq! Ózimizdi-ózimiz qolǵa alaiyq! Shydamdylyq tanytaiyq! Virýs eshqaida ketken joq! Virýs bizdiń ortamyzda! Qarapaiym sanitarlyq normalardy saqtaiyq, iaǵni ol: qoldy jii jýý, qoǵamdyq oryndarda sanitaizerlerdi qoldaný, áleýmettik ara-qashyqtyqty saqtaý, maska taǵý, ol maskany jii aýystyrý jáne asa qajet bolmasa, adam kóp shoǵyrlanǵan jerge jinalmaý. Qarttarymyz ben bolashaq urpaǵymyzdy qorǵaiyq, aǵaiyn! Al, ózimizdi jáne jaqyndarymyzdy osy qarapaiym sanitarlyq normalardy saqtai otyryp qana qorǵai alamyz!", deidi dárigerlerimiz.
Sondai-aq, olar indettiń jas talǵamaitynyn da basa aitty.
"Qurmetti otandastar, men - pandemiianyń birinshi tolqynynda qyzmet etken dárigermin. Bul óte aýyr ýaqyt boldy. Úidiń betin, bala-shaǵanyń júzin kórmedik. Kún túni emhanada kezekshilikte boldyq. Dárigerler jetispedi. Osy aýrýdy ózim de, basqa da áriptesterim de juqtyryp aldyq. Aýrýdyń kezeńi óte aýyr ótti. Qanshamasy qaza tapty. Osy ýaqytqa deiin osynshama jurtty qyryp salǵan indetti kórýim birinshi ret. Ardaqty dostar, ózderińiz kórdińizder aýrýdyń birinshi tolqyny qalai aýyr ótkenin. Qazir maýsymdyq tumaý kezeńi. Boljanyp otyrǵan koronavirýstyń ekinshi tolqynynyń bir ýaqyty kelip otyr. Aýrýdyń birinshi ýaqytynda qariialarǵa alańdasaq, endi olarǵa balalar da qosyldy. Sondyqtan aǵaiyn, saqtanyńyzdar, saq bolaiyq! Aqylǵa kelińizder! Shydaiyq! Virýs ketken joq! Virýs aramyzda!", - deidi indetpen aldyńǵy shepte kúresip júrgen ýchaskelik pediatr Beisebaeva Jámila.
