COVID-19 قايتا قاھارىنا مٸندٸ. ەلەم بويىنشا ۆيرۋستىق ينفەكتسييانى جۇقتىرعاندار سانى كٷرت كٶبەيٸپ وتىر. حالىقارالىق قاۋىمداستىقتار مەن مەملەكەت باسشىلارى, سونداي-اق قوعام بەلسٸندٸلەرٸ پاندەمييانىڭ جاقىن ۋاقىتتا اياقتالمايتىنىن ەسكەرتٸپ, دابىل قاعۋدا.
وسى ورايدا, ەل دەرٸگەرلەرٸ قازاقستاندىقتاردى "ەكٸنشٸ تولقىن" باستالماس بۇرىن ساقتىق شارالارىن قولعا الۋعا شاقىرىپ, جاعدايدىڭ قانشالىقتى قيىن بولۋى مٷمكٸن ەكەنٸن ەسكەرتتٸ.
"قۇرمەتتٸ وتانداستار, ەلەم بولىپ پاندەمييانىڭ بٸرٸنشٸ كەزەڭٸن باستان ٶتكەردٸك. بۇل ٶتە اۋىر كەزەڭ بولدى. كٶپتەگەن ەرٸپتەسٸمٸز ٷي كٶرمەي, كٷنٸ-تٷنٸ اۋرۋحانالاردا ٶز قىزمەتتەرٸن مٷلتٸكسٸز اتقاردى. كٶپتەگەن دەرٸگەرلەر, ورتا جەنە كٸشٸ بۋىن مەديتسينا پەرسونالدارى جەتٸسپەدٸ. وسى ٸندەتتٸڭ كەسٸرٸنەن قانشاما وتانداسىمىز, قانشاما ەرٸپتەسٸمٸز كٶز جۇمدى. ارداقتى حالايىق, ٶزدەرٸڭٸز كۋە بولعانداي, ٸندەتتٸڭ بٸرٸنشٸ كەزەڭٸ وڭاي بولمادى. بٸز وسى بولعان جاعدايدان ساباق الۋ كەرەكپٸز. باسىمىزدان ٶتكەن قايعىنى, قورقىنىشتى تەز ۇمىتپايىق, اعايىن! قازٸر ماۋسىمدىق تۇماۋ كەزەڭ باستالدى. ال, ەلەم ەلدەرٸندە, ەۆروپادا, رەسەي جەنە باسقا دا مەملەكەتتەردە ٸندەتتٸڭ ەكٸنشٸ كەزەڭٸ دە باستالىپ كەتتٸ. سوندىقتان اعايىن, ساقتىق شارالارىن ۇمىتپايىق! ٶزٸمٸزدٸ-ٶزٸمٸز قولعا الايىق! شىدامدىلىق تانىتايىق! ۆيرۋس ەشقايدا كەتكەن جوق! ۆيرۋس بٸزدٸڭ ورتامىزدا! قاراپايىم سانيتارلىق نورمالاردى ساقتايىق, ياعني ول: قولدى جيٸ جۋۋ, قوعامدىق ورىنداردا سانيتايزەرلەردٸ قولدانۋ, ەلەۋمەتتٸك ارا-قاشىقتىقتى ساقتاۋ, ماسكا تاعۋ, ول ماسكانى جيٸ اۋىستىرۋ جەنە اسا قاجەت بولماسا, ادام كٶپ شوعىرلانعان جەرگە جينالماۋ. قارتتارىمىز بەن بولاشاق ۇرپاعىمىزدى قورعايىق, اعايىن! ال, ٶزٸمٸزدٸ جەنە جاقىندارىمىزدى وسى قاراپايىم سانيتارلىق نورمالاردى ساقتاي وتىرىپ قانا قورعاي الامىز!", دەيدٸ دەرٸگەرلەرٸمٸز.
سونداي-اق, ولار ٸندەتتٸڭ جاس تالعامايتىنىن دا باسا ايتتى.
"قۇرمەتتٸ وتانداستار, مەن - پاندەمييانىڭ بٸرٸنشٸ تولقىنىندا قىزمەت ەتكەن دەرٸگەرمٸن. بۇل ٶتە اۋىر ۋاقىت بولدى. ٷيدٸڭ بەتٸن, بالا-شاعانىڭ جٷزٸن كٶرمەدٸك. كٷن تٷنٸ ەمحانادا كەزەكشٸلٸكتە بولدىق. دەرٸگەرلەر جەتٸسپەدٸ. وسى اۋرۋدى ٶزٸم دە, باسقا دا ەرٸپتەستەرٸم دە جۇقتىرىپ الدىق. اۋرۋدىڭ كەزەڭٸ ٶتە اۋىر ٶتتٸ. قانشاماسى قازا تاپتى. وسى ۋاقىتقا دەيٸن وسىنشاما جۇرتتى قىرىپ سالعان ٸندەتتٸ كٶرۋٸم بٸرٸنشٸ رەت. ارداقتى دوستار, ٶزدەرٸڭٸز كٶردٸڭٸزدەر اۋرۋدىڭ بٸرٸنشٸ تولقىنى قالاي اۋىر ٶتكەنٸن. قازٸر ماۋسىمدىق تۇماۋ كەزەڭٸ. بولجانىپ وتىرعان كوروناۆيرۋستىڭ ەكٸنشٸ تولقىنىنىڭ بٸر ۋاقىتى كەلٸپ وتىر. اۋرۋدىڭ بٸرٸنشٸ ۋاقىتىندا قارييالارعا الاڭداساق, ەندٸ ولارعا بالالار دا قوسىلدى. سوندىقتان اعايىن, ساقتانىڭىزدار, ساق بولايىق! اقىلعا كەلٸڭٸزدەر! شىدايىق! ۆيرۋس كەتكەن جوق! ۆيرۋس ارامىزدا!", - دەيدٸ ٸندەتپەن الدىڭعى شەپتە كٷرەسٸپ جٷرگەن ۋچاسكەلٸك پەدياتر بەيسەباەۆا جەميلا.
