Uly Abaidyń 175 jyldyq mereitoiy qarsańynda Qarqaraly aýdanynyń turǵyny jerlesterine syilyq jasady, dep habarlaidy "Ult aqparat".
Manarbek Kárim ulymen birge Abaidyń portretin tastyń betine qashap beineledi. Atalmysh eskertkish tas Qarqaraly tarihi ǵimaratynyń janynda ornatyldy.
Bul oryn kezdeisoq tańdalǵan joq. Osy úide Abaidyń ákesi Qunanbai qonaq retinde turǵan. Abaidyń ózi balalyq shaǵynda munda kóp ret qonaq bolǵan. 19 ǵasyrdyń ekinshi jartysynda bul úi tatar kópesi Haliolla Bekmetovke tiesili edi. Qazir munda aýdandyq mádeniet bólimi ornalasqan.
Abai graviýrasy bar eskertkish tastyń salmaǵy 2,5 tonna, biiktigi - 350 santimetr.
«Biz tasty Qorǵantas taýynan túsirdik, onda bir kezderi qalmaqtarmen úlken shaiqas bolǵan. Traktormen ony úige alyp kelip, jumys istei bastadyq. Ulym kóp kómektesti, ol ózi eskizdi saldy. Sodan keiin biz Abaidyń portretin tasqa túsirdik. Eskertkish tasty daiyndaýǵa 4 kún ýaqytymyz ketti», - dedi Manarbek Kárim.
Eskertkish tas ornatylǵan úi Muhtar Áýezovtiń «Abai joly» romanynda egjei-tegjeili sipattalǵan.
