ۇلى ابايدىڭ 175 جىلدىق مەرەيتويى قارساڭىندا قارقارالى اۋدانىنىڭ تۇرعىنى جەرلەستەرٸنە سىيلىق جاسادى, دەپ حابارلايدى "ۇلت اقپارات".
ماناربەك كەرٸم ۇلىمەن بٸرگە ابايدىڭ پورترەتٸن تاستىڭ بەتٸنە قاشاپ بەينەلەدٸ. اتالمىش ەسكەرتكٸش تاس قارقارالى تاريحي عيماراتىنىڭ جانىندا ورناتىلدى.
بۇل ورىن كەزدەيسوق تاڭدالعان جوق. وسى ٷيدە ابايدىڭ ەكەسٸ قۇنانباي قوناق رەتٸندە تۇرعان. ابايدىڭ ٶزٸ بالالىق شاعىندا مۇندا كٶپ رەت قوناق بولعان. 19 عاسىردىڭ ەكٸنشٸ جارتىسىندا بۇل ٷي تاتار كٶپەسٸ حاليوللا بەكمەتوۆكە تيەسٸلٸ ەدٸ. قازٸر مۇندا اۋداندىق مەدەنيەت بٶلٸمٸ ورنالاسقان.
اباي گراۆيۋراسى بار ەسكەرتكٸش تاستىڭ سالماعى 2,5 توننا, بيٸكتٸگٸ - 350 سانتيمەتر.
«بٸز تاستى قورعانتاس تاۋىنان تٷسٸردٸك, وندا بٸر كەزدەرٸ قالماقتارمەن ٷلكەن شايقاس بولعان. تراكتورمەن ونى ٷيگە الىپ كەلٸپ, جۇمىس ٸستەي باستادىق. ۇلىم كٶپ كٶمەكتەستٸ, ول ٶزٸ ەسكيزدٸ سالدى. سودان كەيٸن بٸز ابايدىڭ پورترەتٸن تاسقا تٷسٸردٸك. ەسكەرتكٸش تاستى دايىنداۋعا 4 كٷن ۋاقىتىمىز كەتتٸ», - دەدٸ ماناربەك كەرٸم.
ەسكەرتكٸش تاس ورناتىلعان ٷي مۇحتار ەۋەزوۆتٸڭ «اباي جولى» رومانىندا ەگجەي-تەگجەيلٸ سيپاتتالعان.
