QR Prezidentiniń kómekshisi Erlan Qarin qazaqstandyq ǵalymdar ázirlegen vaktsinanyń ekinshi dozasyn saldyrady, dep habarlaidy "Ult aqparat".
«Búgin QazCovidIn vaktsinasyn ekinshi ret saldyramyn. 21-22 kúnnen keiin ekinshi ret egilý qajet», - dep jazdy Erlan Qarin Facebook-paraqshasynda.
Esterińizge sala ketsek, ótken jyldyń 25 jeltoqsanynda QR Prezidentiniń kómekshisi E.Qarin klinikalyq zertteýden tys óz kelisimimen QazCovid-in vaktsinasyn saldyrǵan edi.
2020 jyldyń 19 jeltoqsanda QR BǴM Biologiialyq qaýipsizdik problemalary ǵylymi-zertteý institýty ǵalymdary ázirlegen QazCovid-in vatsinasyna klinikalyq synaqtyń III fazasy bastaldy. Jalpy klinikalyq synaqtyń I jáne II fazasyna 244 qazaqstandyq qatysty. Zertteýdiń aldyn ala nátijeleri vaktsinanyń joǵary qaýipsizdigin, immýnogendiligin jáne tiimdiligin kórsetti. III fazaǵa 3 myń erikti qatysýda. Zertteýdiń barlyq qatysýshylaryna birrettik syiaqy men meditsinalyq saqtandyrý tólenedi.
