«Qazaqstan» RTRK» AQ-nyń basqarma tóraǵasy Erlan Qarinniń aitýynsha, dini ekstre-mizmmen kúres tek din ókiliniń ýaǵyzymen shektelmeidi. Bul týraly ol «Egemen Qazaqstan» basylymynyń tilshisine Elbasynyń «Bolashaqqa baǵdar: rýhani jańǵyrý» atty maqalasyna qatysty bergen suhbatynda aitty, dep habarlaidy "Ult aqparat".
«Biz dini ekstremizmmen kúres degende basylymǵa nemese arnaǵa belgili bir din ókilin shaqyryp, din jóninde túsinikteme berýi kerek dep oilaimyz. Dini ýaǵyzdy kúsheitý dini baǵyttaǵy jumysty kúsheitý degendi bildirmeidi. Elbasy maqalasynyń negizgi oiy - ulttyq sipat pen ulttyq sana. Iaǵni, adam ózin ulttyń ókili, rýhani muranyń jalǵastyrýshysy sezinbese, ol túrli ideologiianyń jeteginde ketedi. Barlyǵymyzdyń aldymyzda turǵan syn - osy», - deidi basqarma tóraǵasy.
Onyń pikirinshe, jahandaný kezinde ártúrli ideologiia yqpalynyń kúsheigeni sonshalyq, qoǵam múshelerin jan-jaqqa jeteleidi. Bireýdi islam halifaty ideologiiasyna, bireýdi basqa ideologiiaǵa tartady.
«Bul biz úshin erekshe qaterli. Óitkeni, keshe ǵana otarlyq kepten bosadyq. Sondyqtan Elbasy aityp otyrǵan ulttyq kodymyz qandai, ulttyq sipatymyz neden quralady, osyny anyqtap alaiyq. Latyn álipbiine kóshý, týǵan jer, kieli oryndar-qazaqylyǵymyzdy arttyrýdyń bir sharasy. Ony jeke jobalar dep te qaraýǵa bolmaidy, óitkeni, naýqanshylyqqa áýestenip ketýimiz múmkin. Talqylanyp jatqan jobalar jiyntyǵynyń túpki máni ulttyq sipatymyzdy arttyrýda jatyr. Iaǵni dini ekstremizmmen kúres tek din ókiliniń ýaǵyzymen shektelmeidi. Bul sonymen birge, jańa baǵdarlamalar arqyly ulttyq án men kúidi, termeni sapaly túrde sanaǵa sińirý, boiymyzdaǵy qazaqylyqty oiatý, ulttyq óner týyndylaryna jańa deńgeide nazar aýdarý, dástúr men qundylyqtardy nasihattaý, taratý jáne basqa da jumystar. Negizgi maqsat - ulttyq sipatymyzdy arttyrý, ulttyq sanany jańǵyrtý», - deidi Erlan Qarin.
.jpg)