Ánshi Sáken Maiǵazievtiń anasyn jerlegennen keiin zirat basynda jalǵyz qalyp, Quran oqyp, kózine jas alǵany týraly áleýmettik jelide jazba jariialandy, dep habarlaidy ult.kz.

Jazba avtory kópshilik taraǵannan keiingi ánshiniń kúiin kórip, qatty tolqyǵanyn jetkizgen.

"Jurt taraǵan soń, Sáken Maiǵaziev aǵamyzdyń anasy Ultai ájemizdiń basynda jalǵyz qalyp, Quran oqyp, jylaǵanyn kórip, júregim eljiredi… Anadan aiyrylýdyń qandai aýyr ekenin búgin tereń sezindim. Anaǵa degen mahabbat pen saǵynyshtyń shegi joq eken…" – dep jazǵan ol.

Aita keteiik, jýyrda ǵana ánshiniń anasy kóz jumǵan edi. 

Sáken Maiǵaziev kim?

Sáken Qordabaiuly Maiǵaziev - qazaqstandyq ánshi, «MýzART» tobynyń múshesi, Qazaqstannyń eńbek sińirgen qairatkeri. Ol 1975 jylǵy 1 qańtarda qazirgi Túrkistan oblysynyń Sozaq aýdanynda dúniege kelgen. 2001 jyly qurylǵan «MýzART» toby arqyly kópshilikke keńinen tanyldy. 

Óner iesi 1993 jyly Júsipbek Elebekov atyndaǵy estrada-tsirk kolledjin, 1997 jyly Temirbek Júrgenov atyndaǵy óner akademiiasyn estradalyq ánshilik mamandyǵy boiynsha támamdaǵan. Ánshilikpen qatar ustazdyqpen ainalysyp, jas oryndaýshylardy tárbieleýge úles qosqan. 2013 jyly «Qazaqstannyń eńbek sińirgen qairatkeri» ataǵyn alǵan.