«قازاقستان» رترك» اق-نىڭ باسقارما تٶراعاسى ەرلان قاريننٸڭ ايتۋىنشا, دٸني ەكسترە-ميزممەن كٷرەس تەك دٸن ٶكٸلٸنٸڭ ۋاعىزىمەن شەكتەلمەيدٸ. بۇل تۋرالى ول «ەگەمەن قازاقستان» باسىلىمىنىڭ تٸلشٸسٸنە ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنا قاتىستى بەرگەن سۇحباتىندا ايتتى, دەپ حابارلايدى "ۇلت اقپارات".
«بٸز دٸني ەكسترەميزممەن كٷرەس دەگەندە باسىلىمعا نەمەسە ارناعا بەلگٸلٸ بٸر دٸن ٶكٸلٸن شاقىرىپ, دٸن جٶنٸندە تٷسٸنٸكتەمە بەرۋٸ كەرەك دەپ ويلايمىز. دٸني ۋاعىزدى كٷشەيتۋ دٸني باعىتتاعى جۇمىستى كٷشەيتۋ دەگەندٸ بٸلدٸرمەيدٸ. ەلباسى ماقالاسىنىڭ نەگٸزگٸ ويى - ۇلتتىق سيپات پەن ۇلتتىق سانا. ياعني, ادام ٶزٸن ۇلتتىڭ ٶكٸلٸ, رۋحاني مۇرانىڭ جالعاستىرۋشىسى سەزٸنبەسە, ول تٷرلٸ يدەولوگييانىڭ جەتەگٸندە كەتەدٸ. بارلىعىمىزدىڭ الدىمىزدا تۇرعان سىن - وسى», - دەيدٸ باسقارما تٶراعاسى.
ونىڭ پٸكٸرٸنشە, جاھاندانۋ كەزٸندە ەرتٷرلٸ يدەولوگييا ىقپالىنىڭ كٷشەيگەنٸ سونشالىق, قوعام مٷشەلەرٸن جان-جاققا جەتەلەيدٸ. بٸرەۋدٸ يسلام حاليفاتى يدەولوگيياسىنا, بٸرەۋدٸ باسقا يدەولوگيياعا تارتادى.
«بۇل بٸز ٷشٸن ەرەكشە قاتەرلٸ. ٶيتكەنٸ, كەشە عانا وتارلىق كەپتەن بوسادىق. سوندىقتان ەلباسى ايتىپ وتىرعان ۇلتتىق كودىمىز قانداي, ۇلتتىق سيپاتىمىز نەدەن قۇرالادى, وسىنى انىقتاپ الايىق. لاتىن ەلٸپبيٸنە كٶشۋ, تۋعان جەر, كيەلٸ ورىندار-قازاقىلىعىمىزدى ارتتىرۋدىڭ بٸر شاراسى. ونى جەكە جوبالار دەپ تە قاراۋعا بولمايدى, ٶيتكەنٸ, ناۋقانشىلىققا ەۋەستەنٸپ كەتۋٸمٸز مٷمكٸن. تالقىلانىپ جاتقان جوبالار جيىنتىعىنىڭ تٷپكٸ مەنٸ ۇلتتىق سيپاتىمىزدى ارتتىرۋدا جاتىر. ياعني دٸني ەكسترەميزممەن كٷرەس تەك دٸن ٶكٸلٸنٸڭ ۋاعىزىمەن شەكتەلمەيدٸ. بۇل سونىمەن بٸرگە, جاڭا باعدارلامالار ارقىلى ۇلتتىق ەن مەن كٷيدٸ, تەرمەنٸ ساپالى تٷردە ساناعا سٸڭٸرۋ, بويىمىزداعى قازاقىلىقتى وياتۋ, ۇلتتىق ٶنەر تۋىندىلارىنا جاڭا دەڭگەيدە نازار اۋدارۋ, دەستٷر مەن قۇندىلىقتاردى ناسيحاتتاۋ, تاراتۋ جەنە باسقا دا جۇمىستار. نەگٸزگٸ ماقسات - ۇلتتىق سيپاتىمىزدى ارتتىرۋ, ۇلتتىق سانانى جاڭعىرتۋ», - دەيدٸ ەرلان قارين.
.jpg)