Ulttyq qoǵamdyq senim keńesiniń músheleri keshe 730 eldi mekende ótken ákim sailaýynyń el damýyndaǵy orny týraly pikir almasty, dep habarlaidy QazAqparat.
Ulttyq keńestiń hatshysy, Prezdent keńesshisi Erlan Qarinniń aitýynsha, bul sailaý Prezident jariialaǵan saiasi reformalardyń sátti júzege asyp jatqanyn taǵy bir ret kórsetken.
«Ózderińiz bilesizder, eki jyldyń ishinde Prezidenttiń bastamasymen saiasi reformalar baǵytynda 10 zań qabyldanǵan bolatyn. Keshe ǵana ótken ákimderdiń tikelei sailaýy da sol jańa zańnamalyq normalardyń qabyldanýy arqasynda júzege asyp otyr», - degen Erlan Qarin aýyl men aýyldyq okrýgtiń, aýdandyq mańyzy bar qala men kenttiń ákimderin tikelei sailaý bastamasy bir jylǵa jetpeitin ýaqytta iske asqanyn eske saldy.
«Byltyr Prezident óziniń Qazaqstan halqyna Joldaýynda aýyl ákimderiniń tikelei sailaýyn ótkizý qajettigi jóninde bastamasyn jariialaǵan bolatyn. Mine sol bastamasy bir jylǵa jeter-jetpes ýaqyttyń ishinde júzege asty. Keshegi ótken sailaý Prezidenttiń jariialaǵan saiasi reformalarynyń, saiasi modernizatsiia kýrsynyń túbegeili júzege asýynyń aiqyn bir kórinisi bolyp otyr», - dedi Ulttyq keńes hatshysy.
