ۇلتتىق قوعامدىق سەنٸم كەڭەسٸنٸڭ مٷشەلەرٸ كەشە 730 ەلدٸ مەكەندە ٶتكەن ەكٸم سايلاۋىنىڭ ەل دامۋىنداعى ورنى تۋرالى پٸكٸر الماستى, دەپ حابارلايدى قازاقپارات.
ۇلتتىق كەڭەستٸڭ حاتشىسى, پرەزدەنت كەڭەسشٸسٸ ەرلان قاريننٸڭ ايتۋىنشا, بۇل سايلاۋ پرەزيدەنت جارييالاعان ساياسي رەفورمالاردىڭ سەتتٸ جٷزەگە اسىپ جاتقانىن تاعى بٸر رەت كٶرسەتكەن.
«ٶزدەرٸڭٸز بٸلەسٸزدەر, ەكٸ جىلدىڭ ٸشٸندە پرەزيدەنتتٸڭ باستاماسىمەن ساياسي رەفورمالار باعىتىندا 10 زاڭ قابىلدانعان بولاتىن. كەشە عانا ٶتكەن ەكٸمدەردٸڭ تٸكەلەي سايلاۋى دا سول جاڭا زاڭنامالىق نورمالاردىڭ قابىلدانۋى ارقاسىندا جٷزەگە اسىپ وتىر», - دەگەن ەرلان قارين اۋىل مەن اۋىلدىق وكرۋگتٸڭ, اۋداندىق ماڭىزى بار قالا مەن كەنتتٸڭ ەكٸمدەرٸن تٸكەلەي سايلاۋ باستاماسى بٸر جىلعا جەتپەيتٸن ۋاقىتتا ٸسكە اسقانىن ەسكە سالدى.
«بىلتىر پرەزيدەنت ٶزٸنٸڭ قازاقستان حالقىنا جولداۋىندا اۋىل ەكٸمدەرٸنٸڭ تٸكەلەي سايلاۋىن ٶتكٸزۋ قاجەتتٸگٸ جٶنٸندە باستاماسىن جارييالاعان بولاتىن. مٸنە سول باستاماسى بٸر جىلعا جەتەر-جەتپەس ۋاقىتتىڭ ٸشٸندە جٷزەگە استى. كەشەگٸ ٶتكەن سايلاۋ پرەزيدەنتتٸڭ جارييالاعان ساياسي رەفورمالارىنىڭ, ساياسي مودەرنيزاتسييا كۋرسىنىڭ تٷبەگەيلٸ جٷزەگە اسۋىنىڭ ايقىن بٸر كٶرٸنٸسٸ بولىپ وتىر», - دەدٸ ۇلتتىق كەڭەس حاتشىسى.
