Nikaragýa jaǵalaýynda bastalǵan «Eta» daýyly seisenbi kúni tórtinshi sanatqa deiin kúsheidi. Aldaǵy 12 saǵatta daýyldyń besinshi sanatqa de»in jetý qaýpi bar, dep habarlaidy CNN agenttigi.
AQSh Ulttyq ortalyǵynyń Karib teńizinde qalyptasqan daýyldardy baqylaýdan keiin bergen málimetinshe, «Eta» daýyly baiaý qozǵalyp kele jatyr, biraq jeldiń jyldamdyǵy 54 m/s jetken. Eger daýyl sanaty joǵarylasa, ol qozǵalyp kele jatqan jeldiń jyldamdyǵy da ósedi.
CNN daýyl týraly eskertý Nikaragýanyń búkil jaǵalaýyna tiesili ekenin atap ótti. Tropiktik daýyl týraly eskertý Gondýrastyń soltústik-shyǵys jaǵalaýynda da jasalǵan.
Qiratýshy jelden basqa, «Eta» daýyly Ortalyq Amerikaǵa nóser jaýyn ákeledi, mundaǵy Meksikanyń ońtústik-shyǵysynan Panamaǵa deiin mol jaýyn-shashyn jaýýy yqtimal.
«Bul jańbyrlar katastrofaly, ómir úshin qaýipti sý basýlarǵa, sondai-aq Ortalyq Amerikanyń biik taýly aýdandarynda kóshkinderdiń júrýine ákelip soqtyra alady. Iamaika, Meksikanyń ońtústik-shyǵysy, Salvador, Gaitidiń ońtústik bóligi jáne Kaiman araldarynda ózenderde sý deńgeiiniń kóterilýi men sý basý qaýpi úlken», - dep málimdedi ortalyqtan.
Qazirgi boljamǵa sáikes, daýyl Nikaragýa men Gondýrastyń taýly aýdandarynda baiqalyp, jumaǵa qarai soltústikke, Beliz jaqqa baǵyt alady. Qazirgi kezde daýyldyń traektoriiasy men qarqynyn anyqtaý óte qiyn. Sinoptikter daýyldyń qozǵalysyn muqiiat baqylaityn bolady.
«Eta» daýyly – biyl bir maýsymnyń ishinde daýyl sany boiynsha 2005 jyly ornatylǵan rekordtan asyp túsken 28-shi daýyl.
