Foto: SQO PD baspasóz qyzmeti
Qazaqstanda quramynda esirtki bar ósimdikterdiń 27 myńnan astam butasy tárkilenip, joiyldy, dep habarlaidy ishki ister ministrligi.
"Qarasora-2025" keń aýqymdy operatsiiasy 1 maýsymnan 31 qazanǵa deiin Qazaqstannyń ońtústik óńirlerinde quramynda esirtkisi bar ósimdikterdiń ósý maýsymynda ótkiziledi.
IIM esirtki qylmysyna qarsy is-qimyl komiteti tóraǵasynyń orynbasary Qýandyq Áljanovtyń aitýynsha, úsh ailyq esirtkige qarsy arnaiy operatsiia kezinde 677 esirtki qylmysy anyqtaldy. Onyń ishinde 242 ótkizý faktisi, 220 qarasora ósirý deregi bar.
"Zańsyz ainalymnan 6 tonna esirtki zaty, 2 tonna marihýana, 47 kg gashish, 3 tonna kannabis ósimdigi, sondai-aq 155 kg sintetikalyq esirtki, 8,5 tonna prekýrsor tárkilendi. Quramynda esirtkisi bar ósimdikterdiń 27 myńnan astam butalary tárkilenip joiyldy", - dedi spiker ortalyq kommýnikatsiialar qyzmeti alańynda ótken baspasóz konferentsiiada.
9 esirtki zerthanasy joiylyp, 3 uiymdasqan qylmystyq toptyń áreketi toqtatyldy.
