فوتو: سقو پد باسپاسٶز قىزمەتٸ
قازاقستاندا قۇرامىندا ەسٸرتكٸ بار ٶسٸمدٸكتەردٸڭ 27 مىڭنان استام بۇتاسى تەركٸلەنٸپ, جويىلدى, دەپ حابارلايدى ٸشكٸ ٸستەر مينيسترلٸگٸ.
"قاراسورا-2025" كەڭ اۋقىمدى وپەراتسيياسى 1 ماۋسىمنان 31 قازانعا دەيٸن قازاقستاننىڭ وڭتٷستٸك ٶڭٸرلەرٸندە قۇرامىندا ەسٸرتكٸسٸ بار ٶسٸمدٸكتەردٸڭ ٶسۋ ماۋسىمىندا ٶتكٸزٸلەدٸ.
ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى قۋاندىق ەلجانوۆتىڭ ايتۋىنشا, ٷش ايلىق ەسٸرتكٸگە قارسى ارنايى وپەراتسييا كەزٸندە 677 ەسٸرتكٸ قىلمىسى انىقتالدى. ونىڭ ٸشٸندە 242 ٶتكٸزۋ فاكتٸسٸ, 220 قاراسورا ٶسٸرۋ دەرەگٸ بار.
"زاڭسىز اينالىمنان 6 توننا ەسٸرتكٸ زاتى, 2 توننا ماريحۋانا, 47 كگ گاشيش, 3 توننا كاننابيس ٶسٸمدٸگٸ, سونداي-اق 155 كگ سينتەتيكالىق ەسٸرتكٸ, 8,5 توننا پرەكۋرسور تەركٸلەندٸ. قۇرامىندا ەسٸرتكٸسٸ بار ٶسٸمدٸكتەردٸڭ 27 مىڭنان استام بۇتالارى تەركٸلەنٸپ جويىلدى", - دەدٸ سپيكەر ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز كونفەرەنتسييادا.
9 ەسٸرتكٸ زەرتحاناسى جويىلىپ, 3 ۇيىمداسقان قىلمىستىق توپتىڭ ەرەكەتٸ توقتاتىلدى.
