Qazaqstan Úkimeti men Qarashyǵanaq jobasynyń aktsionerleri týyndaǵan kelispeýshilikke bailanysty ortaq mámilege keldi, dep habarlaidy "Ult aqparat" Energetika ministrliginiń baspasóz qyzmetine silteme jasap.
«QR Energetika ministrligi, QR Qarjy ministrligi men ýákiletti organ - «PSA» JShS atynan Qazaqstan Respýblikasynyń Úkimeti men Qarashyǵanaq jobasynyń aktsionerleri - Eni, Shell, Shevron, Lýkoil jáne QazMunaiGaz (konsortsiým) shynaiylyq indeksi boiynsha pikirtalasqa núkte qoiyp, naqty bir mámilege keldi. Taraptar kelispeýshilikti retteýdiń negizgi sharttaryn qamtityn qaǵidattar týraly kelisimge qol jetkizdi», - delingen habarlamada.
Belgili bolyp otyrǵandai, Qazaqstan men kontsortsiýmnyń arasynda kiristi ónimdi bólýde taraptardyń úlesi kalkýliatsiiasynyń ádistemesi boiynsha kelispeýshilik týyndaǵan. Osyǵan bailanysty Qarashyǵanaq jobasynyń ónimdi bólý týraly sońǵy ári naqty sheshiminiń sharttaryna sáikes, respýblika óziniń quqyǵyn qorǵaý úshin halyqaralyq arbitrajqa júgingen edi.
«Alaida kópjylǵy yntymaqtastyqty eskere kele, taraptar kelissóz júrgizý barysynda daýdy durys retteýdiń ózara tiimdi jolyn tapty. Osylaisha, taraptar daýdy retteýdiń negizgi sharttaryn qamtityn qaǵidattar týraly kelisimge qol qoidy», - delingen habarlamada.
Iaǵni, birinshiden konsortsiým respýblikaǵa 1,111 mlrd AQSh dollary mólsherinde aqshalai ótemaqy tóleidi. Ekinshiden, ónimdi bólý mehanizmine ózgerister engiziledi. Energetika ministrliginiń málimetine súiensek, bul ózgerister munai baǵasy barreline 80 AQSh dollarlyq mólsherdi saqtap turǵan jaǵdaida 2037 jylǵa deiin respýblikaǵa joba esebinen qosymsha 415 mln dollar ákelip turady. Úshinshiden, kontsortsiým infraqurylymdyq joba qurylysy úshin respýblikaǵa 10 jyl merzimge zaim beredi, bolmasa (bas tartqan jaǵdaida) quny 200 mln AQSh dollarlyq zaimnyń ekvivalentti baǵasyn tólep beredi.
«Osylaisha, atalmysh daýdy retteýdiń biriktirilgen aqshalai qundylyǵy respýblika esebine 1,7 mlrd AQSh dollaryn ákeledi. Jýyq arada atalmysh somanyń 1,3 mlrd dollary memleketke aýdarylatyn bolady. Mámilege qosymsha retinde Úkimet Qarashyǵanaq invesjobalarynyń damýy úshin kontsortsiým mindettemeler alatyndai kelisimge qol jetkizip otyr», - delingen Energtetika ministrliginiń habarlamasynda.
