قازاقستان ٷكٸمەتٸ مەن قاراشىعاناق جوباسىنىڭ اكتسيونەرلەرٸ تۋىنداعان كەلٸسپەۋشٸلٸككە بايلانىستى ورتاق مەمٸلەگە كەلدٸ, دەپ حابارلايدى "ۇلت اقپارات" ەنەرگەتيكا مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«قر ەنەرگەتيكا مينيسترلٸگٸ, قر قارجى مينيسترلٸگٸ مەن ۋەكٸلەتتٸ ورگان - «PSA» جشس اتىنان قازاقستان رەسپۋبليكاسىنىڭ ٷكٸمەتٸ مەن قاراشىعاناق جوباسىنىڭ اكتسيونەرلەرٸ - ەني, شەلل, شەۆرون, لۋكويل جەنە قازمۇنايگاز (كونسورتسيۋم) شىنايىلىق يندەكسٸ بويىنشا پٸكٸرتالاسقا نٷكتە قويىپ, ناقتى بٸر مەمٸلەگە كەلدٸ. تاراپتار كەلٸسپەۋشٸلٸكتٸ رەتتەۋدٸڭ نەگٸزگٸ شارتتارىن قامتيتىن قاعيداتتار تۋرالى كەلٸسٸمگە قول جەتكٸزدٸ», - دەلٸنگەن حابارلامادا.
بەلگٸلٸ بولىپ وتىرعانداي, قازاقستان مەن كونتسورتسيۋمنىڭ اراسىندا كٸرٸستٸ ٶنٸمدٸ بٶلۋدە تاراپتاردىڭ ٷلەسٸ كالكۋلياتسيياسىنىڭ ەدٸستەمەسٸ بويىنشا كەلٸسپەۋشٸلٸك تۋىنداعان. وسىعان بايلانىستى قاراشىعاناق جوباسىنىڭ ٶنٸمدٸ بٶلۋ تۋرالى سوڭعى ەرٸ ناقتى شەشٸمٸنٸڭ شارتتارىنا سەيكەس, رەسپۋبليكا ٶزٸنٸڭ قۇقىعىن قورعاۋ ٷشٸن حالىقارالىق اربيتراجقا جٷگٸنگەن ەدٸ.
«الايدا كٶپجىلعى ىنتىماقتاستىقتى ەسكەرە كەلە, تاراپتار كەلٸسسٶز جٷرگٸزۋ بارىسىندا داۋدى دۇرىس رەتتەۋدٸڭ ٶزارا تيٸمدٸ جولىن تاپتى. وسىلايشا, تاراپتار داۋدى رەتتەۋدٸڭ نەگٸزگٸ شارتتارىن قامتيتىن قاعيداتتار تۋرالى كەلٸسٸمگە قول قويدى», - دەلٸنگەن حابارلامادا.
ياعني, بٸرٸنشٸدەن كونسورتسيۋم رەسپۋبليكاعا 1,111 ملرد اقش دوللارى مٶلشەرٸندە اقشالاي ٶتەماقى تٶلەيدٸ. ەكٸنشٸدەن, ٶنٸمدٸ بٶلۋ مەحانيزمٸنە ٶزگەرٸستەر ەنگٸزٸلەدٸ. ەنەرگەتيكا مينيسترلٸگٸنٸڭ مەلٸمەتٸنە سٷيەنسەك, بۇل ٶزگەرٸستەر مۇناي باعاسى باررەلٸنە 80 اقش دوللارلىق مٶلشەردٸ ساقتاپ تۇرعان جاعدايدا 2037 جىلعا دەيٸن رەسپۋبليكاعا جوبا ەسەبٸنەن قوسىمشا 415 ملن دوللار ەكەلٸپ تۇرادى. ٷشٸنشٸدەن, كونتسورتسيۋم ينفراقۇرىلىمدىق جوبا قۇرىلىسى ٷشٸن رەسپۋبليكاعا 10 جىل مەرزٸمگە زايم بەرەدٸ, بولماسا (باس تارتقان جاعدايدا) قۇنى 200 ملن اقش دوللارلىق زايمنىڭ ەكۆيۆالەنتتٸ باعاسىن تٶلەپ بەرەدٸ.
«وسىلايشا, اتالمىش داۋدى رەتتەۋدٸڭ بٸرٸكتٸرٸلگەن اقشالاي قۇندىلىعى رەسپۋبليكا ەسەبٸنە 1,7 ملرد اقش دوللارىن ەكەلەدٸ. جۋىق ارادا اتالمىش سومانىڭ 1,3 ملرد دوللارى مەملەكەتكە اۋدارىلاتىن بولادى. مەمٸلەگە قوسىمشا رەتٸندە ٷكٸمەت قاراشىعاناق ينۆەسجوبالارىنىڭ دامۋى ٷشٸن كونتسورتسيۋم مٸندەتتەمەلەر الاتىنداي كەلٸسٸمگە قول جەتكٸزٸپ وتىر», - دەلٸنگەن ەنەرگتەتيكا مينيسترلٸگٸنٸڭ حابارلاماسىندا.
