Qazaqstanda qarasha men jeltoqsan ailarynda koronavirýs indetiniń órshýi tirkelýi múmkin. Mundai boljamdy QR Densaýlyq saqtaý ministri Aleksei Tsoi jasady, dep habarlaidy "Ult aqparat".
«Qazirgi ýaqytta boljam jasaýmen ainalysyp jatyrmyz. Eń naqty boljam eki aptalyq kezeńge jasalady. Kún saiyn qolymyzǵa túsip otyrǵan kórsetkishter aýytqyp turady. Tolyqtai alǵanda, qaziri ýaqytta bul boljamdar maska taǵatyn, iaǵni áleýmettik araqashyqtyq pen maska rejimin saqtaityn adamdardyń jalpy paiyzyna bailanysty. Dál osyǵan aýrýǵa shaldyǵý boljamy tikelei bailanysty. Aýrýǵa shaldyǵýǵa qatysty boljam jasaý úshin qazirgi ýaqytta azamattardyń qarym-qatynasty qanshalyqty qysqartqandyǵyn bilýimiz qajet», - dedi ol Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Onyń atap ótýinshe, indettiń taralýyna kúndelikti monitoring júrgizilip,boljam jasalyp otyrady.
«Shamamen qarasha men jeltoqsan ailary kezeńinde ósim bolýy múmkin dep otyrmyz. Bul ekinshi tolqynnyń oryn alýy múmkindigimen, ótkir respiratorlyq virýstyq infektsiialardyń jáne tumaýdyń órshýimen bailanysty», - dedi Aleksei Tsoi.
