QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda «Qarapaiym zattar ekonomikasy» baǵdarlamasynyń aiasynda jergilikti qamtýdy damytý máselesi qaraldy, dep habarlaidy primeminister.kz caity.
Osy baǵytta júrgizilip jatqan jumystar týraly «Atameken» UKP basqarma tóraǵasy A. Myrzahmetov, «Qarapaiym zattar ekonomikasy» baǵdarlamasy aiasynda ekinshi deńgeili bankterdiń biznes-úderisterin ońtailandyrý týraly Qazaqstan qarjygerleri qaýymdastyǵy keńesiniń tóraiymy E. Bahmýtova, qurylystaǵy qazaqstandyq qamtýdy damytý týraly indýstriia jáne infraqurylymdyq damý ministri B. Atamqulov, retteletin satyp alýlardaǵy jergilikti qamtýdyń tiimdiligin arttyrý jónindegi sharalar týraly qarjy ministri E. Jamaýbaev, «Samuryq-Qazyna» UÁQ satyp alýlaryndaǵy jergilikti qamtý týraly Qordyń basqarma tóraǵasy A. Esimov baiandady.
«Qarapaiym zattar ekonomikasy» baǵdarlamasynyń sheńberinde 491,5 mlrd teńgege 2 myńnan asa joba maquldandy. Almaty, Qaraǵandy, Qostanai oblystary qazaqstandyq qamtý boiynsha (jekelegen salalarda 70%-dan astam) úzdik óńirler bolyp otyr. Aqmola, Atyraý, Jambyl, Mańǵystaý oblystary, Nur-Sultan, Shymkent qalalary artta qalǵan. Qurylys salasynyń qarqyndy damýynyń arqasynda sońǵy 10 jylda qurylys materialdaryn óndirý kólemi 3,3 esege - 176 mlrd teńgeden 586 mlrd teńgege deiin artty.
Úkimet basshysy rásimdik tosqaýyldardy joiý boiynsha Qarjy naryǵyn retteý jáne damytý agenttigine Qarjygerler qaýymdastyǵymen jáne ekinshi deńgeili banktermen birlesip «Qarapaiym zattar ekonomikasy» baǵdarlamasy boiynsha bankterdiń biznes protsesterin ońtailandyrýdy - nesie ótinimderin qaraý merzimin, qujattar tizbesin qysqartý jáne kepil saiasatyn jeńildetý múmkindigin qarastyrýdy tapsyrdy.
Qurylys salasynda da jergilikti qamtý úlesin arttyrý maqsatynda Úkimet basshysy Indýstriia jáne infraqurylymdyq damý ministrligine barlyq taraptardyń jaýapkershiligin kúsheitý jónindegi tiisti zańnamalyq jáne normativtik ózgeristerdi pysyqtaýdy júktedi.
Premer-Ministr Qarjy ministrligine «Atameken» UKP jáne múddeli memlekettik organdarmen birlesip bir apta merzimde otandyq taýar óndirýshilerdiń memlekettik jáne kvazimemlekettik sektordyń satyp alýyna qatysýyna kedergi keltiretin barlyq júielik tosqaýyldardy joiý jónindegi is-qimyl algoritmin daiyndaýdy tapsyrdy.
Úkimet basshysy ákimdikter úshin mysal retinde «Samuryq-Qazyna» qorynyń otandyq óndiris taýarlaryn qoldaný jáne durys eseptilik boiynsha naqty talaptaryn keltirdi, bul jergilikti qamtý úlesiniń 69% joǵary kórsetkishine qol jetkizýge múmkindik berdi.
Premer-Ministr Memleket basshysynyń tapsyrmasy boiynsha biznestiń qarsy mindettemelerin tsifrlyq baqylaý jumysyn eki ai ishinde aiaqtaý qajet ekenin atap ótti. Osyǵan bailanysty Úkimet basshysy memlekettik qoldaýdyń ár sharasy boiynsha tiisti zańnamalyq túzetýler paketin daiyndaýdy tapsyrdy. Bul rette «Atameken» UKP tsifrlyq platformasynyń bazasynda biznestiń qarsy mindettemelerine monitoring júrgizý jónindegi pilottyq jobany iske qosý júzege asyrylatyn bolady.
