Qazaqstan Prezidenti Qasym-Jomart Toqaev bilim sapasyna baqylaýdy kúsheitýdi tapsyrdy, dep habarlaidy "Ult aqparat".
Memleket basshysy sanitarlyq talaptar men shekteý sharalarynyń saqtalýyna kompaniia basshylarynyń jáne biznes ieleriniń jaýapty ekenin eske saldy. Sońǵy ýaqytta iri kásiporyndardaǵy eńbek ujymdarynda virýs juqtyrǵandaryń sany arta bastady.
Qoǵamdyq kóliktegi sanitarlyq jaǵdai jáne azamattar kóp shoǵyrlanatyn oryndarda áleýmettik qashyqtyqtyń saqtalmaýy alańdaýshylyq týdyryp otyr.
– Ata-analar shydamdylyq tanytyp, qazirgi ahýalǵa túsinistikpen qaraýy kerek. Osyndai jaǵdai tek Qazaqstanda ǵana emes, búkil álemde qalyptasyp otyr. Biz bilim sapasynyń tómendeýine jol bermeýimiz qajet. Oqytý nátijesine monitoring júrgizip, bilim salasyndaǵy olqylyqtardy joiý úshin ýaqtyly sharalar qabyldaý kerek. Úkimetke óńir ákimderimen birlesip, shekteý sharalaryna qaramastan, bilim sapasyn baqylaýdy kúsheitýdi tapsyramyn, – dedi Qasym-Jomart Toqaev.
