Qarjy naryǵyn retteý jáne damytý agenttigi Shaǵyn jáne orta kásipkerlik sýbektilerine qosymsha qoldaý sharalaryn kórsetý tártibin bekitti, dep habarlaidy "Ult aqparat" agenttikke silteme jasap.
«3 tamyzdan bastap qatań shekteý karantindik sharalarynyń uzartylýyna bailanysty QR Prezidenti Q.K. Toqaevtyń tapsyrmasy boiynsha QR Qarjy naryǵyn retteý jáne damytý agenttigi qyzmeti shekteýli, tyiym salynǵan nemese karantin sharalaryn engizý nátijesinde toqtatylǵan shaǵyn jáne orta kásipkerlik sýbektilerin qoldaýdyń qosymsha sharalaryn bekitti», delingen habarlamada.
Agenttik baspasóz qyzmetiniń málimetinshe, ShOK sýbektileri úshin bank qaryzy men shaǵyn nesie sharttary boiynsha 2020 jylǵy 3 tamyzdan 1 qazanǵa deiin 60 kúnge keiinge qaldyrý múmkindigi beriledi.
«ShOK sýbektileriniń bank qaryzy jáne (nemese) mikrokredit sharttary boiynsha tólemderdi keiinge qaldyrý múmkindigin berý úshin kredittik uiym sheshimdi qaryz alýshynyń ótinishi negizinde jáne qaryz alýshynyń qarjylyq jai-kúiiniń nasharlaýyn rastaityn qujattardy berýin talap etpei qabyldaidy. Kredittik uiymdary qaryz alýshynyń ótinishin 2 jumys kúni ishinde qaraýy tiis», delingen habarlamada.
Banktik qaryz nemese mikrokredit sharty boiynsha tólemdi keiinge qaldyrý, eger qaryz alýshynyń ótinishinde bereshekti óteýdiń basqa ádisi kórsetilmese, qaryz alýshynyń buryn merzimi keshiktirilgen tólem qaryz merzimi aiaqtalǵanǵa deiin tepe-teń bólý túrinde jańa tólem kestesin jasaý arqyly qamtamasyz etiledi.
Keiinge qaldyrýdy usyný tártibi mynadai salalarda qyzmetin júzege asyratyn ShOB sýbektilerine qoldanylady:
jabyq jumys (azyq-túlik jáne azyq-túlikke jatpaityn naryqtardaǵy);
qalaaralyq avtobýstardyń (mikroavtobýstardyń), qala mańyndaǵy jolaýshylar poezdarynyń (jumys poezdaryn qospaǵanda, elektrichkalardyń) qozǵalysy, jalpy vagondardy qalyptastyrý;
3) avtobýs stansalary (avtovokzaldar);
4) oiyn-saýyq mekemeleriniń, kinoteatrlardyń, fýdkorttardyń, banket zaldarynyń;
5) meiramhanalardyń, barlardyń, túngi jáne ony klýbtarynyń jumysy;
6) turýdy uiymdastyrý boiynsha kórsetiletin qyzmetter;
7) densaýlyq saqtaý salasyndaǵy qyzmet;
8) týristik agenttikter men operatorlardyń qyzmeti;
9) ǵimarattarǵa qyzmet kórsetý jáne aýmaqtardy abattandyrý boiynsha qyzmet;
10) syiaqyǵa nemese sharttyq negizde jyljymaityn múlikpen jasalatyn operatsiialar;
11) mádeniet obektileriniń, murajailardyń jumysy, konferentsiialar, kórmeler, forýmdar ótkizý;
12) mektepke deiingi uiymdardyń jumysy (jeke menshik, memlekettik tapsyryssyz);
13) jeke menshik orta bilim berý uiymdarynyń jumysy;
14) kópshilik is-sharalar (oiyn-saýyq, sporttyq, otbasylyq, estelik jáne basqa kópshilik is-sharalar, onyń ishinde úide);
15) sport zaldarynyń, fitnes-ortalyqtardyń, basseinderdiń, jaǵajailardyń, akvaparkterdiń jumysy;
16) dini obektilerdiń jumysy;
17) kosmetologiialyq qyzmet kórsetetin ortalyqtar men salondardyń jumysy;
18) kommertsiialyq qyzmetti qoldaýǵa baǵyttalǵan ofistik ákimshilik jáne qosalqy qyzmet kórsetý salasyndaǵy qyzmet.
Ekonomikanyń basqa salalary boiynsha ShOK sýbektisi 15 qyrkúiekke deiin qarjylyq jai-kúiiniń nasharlaýyn rastaityn qujattardy qosa berip kredit uiymyna ótinish jasai alady. ShOK-tiń bul sanaty úshin ótinishterdi qaraý merzimi 10 jumys kúnine deiin qysqartylǵan. Kredittik uiym jeke tártippen baǵalaýdy júzege asyrady jáne qarjylyq jai-kúii nasharlaǵan kezde keminde 90 kúnnen aspaityn merzimge kredit boiynsha tólemderdi keiinge qaldyrýdy usynady.
Agenttiktiń 2020 jylǵy 3 tamyzdaǵy №311 buiryǵynyń tolyq nusqasymen myna siltemede tanysýǵa bolady.
