«Qazaqtelekom» AQ Basqarma tóraǵasy Qýanyshbek Esekeev koronavirýs epidemiiasy kezindegi kompaniia jumysyn baiandady, dep habarlaidy QazAqparat.
«Shynynda da jumys pen júkteme kóbeidi. Ásirese alǵashqy 3 aptada kompaniialar men biznes qyzmetkerleriniń basym bóligi qashyqtan jumys isteýge kóshkende, kompaniia resýrstaryn arttyrýǵa týra keldi. Bizdiń jelilerimizdegi júkteme shamamen 30 paiyzǵa artty jáne koll-ortalyqtarymyzǵa kelip túsken ótinimderdiń 70 paiyzy internet ornatýǵa qatysty boldy. Kompaniia bul jumystardy da eńserdi», - dedi Q. Esekeev N. Nazarbaevtyń tóraǵalyǵymen ótken «Samuryq-Qazyna» ulttyq ál-aýqat qoryn basqarý jónindegi keńes otyrysynda.
Spikerdiń aitýynsha, qashyqtan jumys isteý úi jaǵdaiynda eńbek etýge úiretti. Bailanysqa arnalǵan túrli qosymshalar paida boldy.
«Kompaniia men kommýnikatsiia salasynda da kishigirim damý bar, sebebi tutynýshylar sany kóbeidi. Tipti mynadai qyzyq statistikany kórsetkim keledi, ádette úi telefony jelilerine suranys azaia bastaǵan edi. Biraq, pandemiia bastalǵan soń, kerisinshe, úi telefonyn qoldanatyn adamdar sany kóbeidi», - dedi Q. Esekeev.
