Respýblikalyq taý-ken óndirýshi jáne taý-ken metallýrgiia kásiporyndary qaýymdastyǵynyń atqarýshy direktory Nikolai Radostovets taý-ken óndirý salasynyń qazirgi ahýalyn baiandady, dep habarlaidy QazAqparat.
«Qiyn jaǵdaida turaqtylyqty saqtap qana qoimai, kei jerlerde óndiristi de arttyra aldyq. Bizde quldyraý joq. Óndiris úzdiksiz júretindikten, aitarlyqtai qiyn jaǵdaiǵa tap boldyq. Biz Taý-ken óndirýshi jáne taý-ken metallýrgiia kásiporyndary qaýymdastyǵynyń jedel shtabynda úzdiksiz jumys istedik, sanepidemiologiialyq sharalardyń qatań saqtalýyn, olardyń tolyq kólemde júrgizilýin talap etetin jaǵdailarda kásiporyndarǵa kómektestik. Árine, qiyn boldy, aimaqtar, eldimekender jabyldy, standarttan tys áreket etýge týra keldi. Indýstriia ministrligine, Úkimetke osyndai sheshimderdi tapqany úshin rizamyz, óitkeni biz vahtada júrgen qyzmetkerlerdi testileýden ótkize aldyq», - dep atap ótti Nikolai Radostovets «Qazaqstannyń taý-ken salasynyń jańa jaǵdaiy» onlain konferentsiiasynda.
Sonymen birge, spiker qosymsha jumys isteýge májbúr bolǵan sala qyzmetkerlerine rizashylyǵyn bildirdi.
«Búgin birqatar kelisimsharttarymyzdyń Eýropaǵa baǵyt alǵanyn kórip otyrmyz. Bul tek pandemiiamen ǵana emes, kómirdi ákelýge engizilgen shekteýlerge de bailanysty. Sondyqtan Resei metall men shikizattyń keibir túrlerin azyraq ala bastady. Jazda bul másele óte ózekti boldy jáne biz óz kásiporyndarymyzdy, iaǵni kólemniń bir bóligin Qytaiǵa baǵyttadyq. Ásirese Dostyq - Alashankoý baǵytyndaǵy tasymal qiyn boldy, onda vagondar men lokomotivter keptelisi boldy. Biraq, QTJ ulttyq kompaniiasy óte jedel jumys istedi jáne kómektese aldy», - dedi N. Radostovets.
