رەسپۋبليكالىق تاۋ-كەن ٶندٸرۋشٸ جەنە تاۋ-كەن مەتاللۋرگييا كەسٸپورىندارى قاۋىمداستىعىنىڭ اتقارۋشى ديرەكتورى نيكولاي رادوستوۆەتس تاۋ-كەن ٶندٸرۋ سالاسىنىڭ قازٸرگٸ احۋالىن باياندادى, دەپ حابارلايدى قازاقپارات.
«قيىن جاعدايدا تۇراقتىلىقتى ساقتاپ قانا قويماي, كەي جەرلەردە ٶندٸرٸستٸ دە ارتتىرا الدىق. بٸزدە قۇلدىراۋ جوق. ٶندٸرٸس ٷزدٸكسٸز جٷرەتٸندٸكتەن, ايتارلىقتاي قيىن جاعدايعا تاپ بولدىق. بٸز تاۋ-كەن ٶندٸرۋشٸ جەنە تاۋ-كەن مەتاللۋرگييا كەسٸپورىندارى قاۋىمداستىعىنىڭ جەدەل شتابىندا ٷزدٸكسٸز جۇمىس ٸستەدٸك, سانەپيدەميولوگييالىق شارالاردىڭ قاتاڭ ساقتالۋىن, ولاردىڭ تولىق كٶلەمدە جٷرگٸزٸلۋٸن تالاپ ەتەتٸن جاعدايلاردا كەسٸپورىندارعا كٶمەكتەستٸك. ەرينە, قيىن بولدى, ايماقتار, ەلدٸمەكەندەر جابىلدى, ستاندارتتان تىس ەرەكەت ەتۋگە تۋرا كەلدٸ. يندۋسترييا مينيسترلٸگٸنە, ٷكٸمەتكە وسىنداي شەشٸمدەردٸ تاپقانى ٷشٸن ريزامىز, ٶيتكەنٸ بٸز ۆاحتادا جٷرگەن قىزمەتكەرلەردٸ تەستٸلەۋدەن ٶتكٸزە الدىق», - دەپ اتاپ ٶتتٸ نيكولاي رادوستوۆەتس «قازاقستاننىڭ تاۋ-كەن سالاسىنىڭ جاڭا جاعدايى» ونلاين كونفەرەنتسيياسىندا.
سونىمەن بٸرگە, سپيكەر قوسىمشا جۇمىس ٸستەۋگە مەجبٷر بولعان سالا قىزمەتكەرلەرٸنە ريزاشىلىعىن بٸلدٸردٸ.
«بٷگٸن بٸرقاتار كەلٸسٸمشارتتارىمىزدىڭ ەۋروپاعا باعىت العانىن كٶرٸپ وتىرمىز. بۇل تەك پاندەمييامەن عانا ەمەس, كٶمٸردٸ ەكەلۋگە ەنگٸزٸلگەن شەكتەۋلەرگە دە بايلانىستى. سوندىقتان رەسەي مەتالل مەن شيكٸزاتتىڭ كەيبٸر تٷرلەرٸن ازىراق الا باستادى. جازدا بۇل مەسەلە ٶتە ٶزەكتٸ بولدى جەنە بٸز ٶز كەسٸپورىندارىمىزدى, ياعني كٶلەمنٸڭ بٸر بٶلٸگٸن قىتايعا باعىتتادىق. ەسٸرەسە دوستىق - الاشانكوۋ باعىتىنداعى تاسىمال قيىن بولدى, وندا ۆاگوندار مەن لوكوموتيۆتەر كەپتەلٸسٸ بولدى. بٸراق, قتج ۇلتتىق كومپانيياسى ٶتە جەدەل جۇمىس ٸستەدٸ جەنە كٶمەكتەسە الدى», - دەدٸ ن. رادوستوۆەتس.
