Almaty turǵyndary karantin talaptaryn buzý derekterine kýá bolsa, tiisti organdarǵa shaǵymdana alady. Bul týraly Almaty sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda aitty, dep habarlaidy QazAqparat.
«Bizde koronavirýs infektsiiasynyń taralýynyń aldyn alý úshin arnaiy shtab qurylǵan. Bul shtab aýdandyq ákimdikter janyndaǵy monitoring toptarynyń jumysyn úilestirip otyrady. Bizde qalada 32 monitoring toby bar. Olar kúnde adam kóp jinalatyn nysandardy tekseredi. Adamdar osyndai zańbuzýshylyqtyń kýási bolsa, shtabqa jibere alady. Odan bólek bizde sait bar», - dedi Bekshin.
Almaty sanitariialyq-epidemiologiialyq baqylaý departamentiniń saitynda monitoring toptarynyń telefon nómirleri de jariialanǵan.
Odan bólek azamattar 1308 nómirine habarlasa alady.
