Shymkent qalasynda politseiler kezekti reid barysynda 150 adam jinalǵan toidy toqtatty, dep habarlaidy "Ult aqparat".
Eńbekshi aýdanynyń politseileri Ýalihanov kóshesi boiynda ornalasqan toihananyń karantin talaptaryn saqtamai, toi ótkizip jatqany týraly habarlama alǵan.
Tártip saqshylary toihanaǵa barǵanda, onda epidahýalǵa qaramai «Merei toi» ótkizilip jatqany belgili bolǵan. Sonymen qatar, saltanat saraiynyń qyzmetkerleri kelgen qonaqtardyń dene qyzýyn teksermei, kirgizgeni anyqtalǵan. Al, daiashylar toihana ishinde meditsinalyq maskasyz qyzmet kórsetken.
«Atalǵan jait boiynsha, toihana ákimshisi men toi iesine QR ÁQBtK-niń 425 -babymen (Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý) shara qoldaný úshin Shymkent qalasynyń sanitarlyq-epidemiologiialyq baqylaý departamentine joldandy» delingen qalalyq Politsiia departamentiniń habarlamasynda.
