شىمكەنت قالاسىندا پوليتسەيلەر كەزەكتٸ رەيد بارىسىندا 150 ادام جينالعان تويدى توقتاتتى, دەپ حابارلايدى "ۇلت اقپارات".
ەڭبەكشٸ اۋدانىنىڭ پوليتسەيلەرٸ ۋاليحانوۆ كٶشەسٸ بويىندا ورنالاسقان تويحانانىڭ كارانتين تالاپتارىن ساقتاماي, توي ٶتكٸزٸپ جاتقانى تۋرالى حابارلاما العان.
تەرتٸپ ساقشىلارى تويحاناعا بارعاندا, وندا ەپيداحۋالعا قاراماي «مەرەي توي» ٶتكٸزٸلٸپ جاتقانى بەلگٸلٸ بولعان. سونىمەن قاتار, سالتانات سارايىنىڭ قىزمەتكەرلەرٸ كەلگەن قوناقتاردىڭ دەنە قىزۋىن تەكسەرمەي, كٸرگٸزگەنٸ انىقتالعان. ال, داياشىلار تويحانا ٸشٸندە مەديتسينالىق ماسكاسىز قىزمەت كٶرسەتكەن.
«اتالعان جايت بويىنشا, تويحانا ەكٸمشٸسٸ مەن توي يەسٸنە قر ەقبتك-نٸڭ 425 -بابىمەن (حالىقتىڭ سانيتارييالىق-ەپيدەميولوگييالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) شارا قولدانۋ ٷشٸن شىمكەنت قالاسىنىڭ سانيتارلىق-ەپيدەميولوگييالىق باقىلاۋ دەپارتامەنتٸنە جولداندى» دەلٸنگەن قالالىق پوليتسييا دەپارتامەنتٸنٸڭ حابارلاماسىندا.
