Karantin: Resei meiramhanalary jańa tártippen jumys istei bastady

28 maýsymnan bastap Máskeýdegi qoǵamdyq tamaqtaný oryndary jańa tártippen jumys istei bastady, dep habarlaidy TASS aqparat agenttigi.

«Bul júie óte ońai: kásipkerler i.moscow portalynda COVID-free formatynda jumys istegisi keletini jaily ótinim qaldyryp, odan keiin kelýshilerdiń vaktsinalanǵanyn dáleldeitin anyqtama nemese sońǵy jarty jylda koronavirýspen aýyrǵanyn rastaityn fakt ne PTR-testilerin alǵandaryn rastaityn QR-kodtar arqyly ǵana kirgizedi. Bul talapty oryndaǵan mekeme kúndiz de, túngi ýaqytta da jumys istei alady, ondaǵy turǵan ústelder bir-birinen 1,5 metr ara qashyqtyqta turyp, kelýshilerge ishinde maska men qolǵap kiiý talaptary qoiylmaidy», - dep túsindirip ótti Máskeý qalasy meri men úkimet basshysynyń birinshi orynbasary Aleksei Nemeriýk. 

Mekemelerdegi daiashylar, hostes, barmender jáne zalda kelýshilermen birge júrgen basqa da qyzmetkerler qolǵaptary men maskalaryn sheshpei júredi. 

Ol qoǵamdyq tamaqtaný oryndarynyń qyzmetkeri QR-kodty birneshe sekýndta tekserip shyǵa altynyn naqtylady: smartfon kamerasyn kodqa aparý kezinde ekran betinde sertifikattyń jaramdy ekeni týraly aqparat, iesiniń tolyq aty-jóni jáne tólqujattaǵy birneshe tsifry kórsetiledi.

Jazǵy verandalar óz mekemeleriniń rejimi boiynsha jumys isteidi.