QR Premer-Ministriniń orynbasary Eraly Toǵjanov 5 shildeden bastap engiziletin karatin kezinde kólik qozǵalysyna qatysty túsinik berdi, dep habarlaidy QazAqparat.
E. Toǵjanov búgin Memlekettik komissiianyń otyrysy ótkenin, osy otyrysta koronavirýstyń taralýyna jol bermeý maqsatynda qatań shekteý sharalaryn engizý máseleleri, arnaiy is-qimyl josparlary qaralǵanyn eske saldy.
«Atalǵan josparda azamattar men biznestiń múddeleri tolyq eskerilgen. Sol josparǵa negizdele otyryp, infektsiianyń taralýyna jol bermeýge baǵyttalǵan shekteý sharalaryn biylǵy 5 shildeden bastap 14 kúnge jariialaý týraly sheshim qabyldandy», - dedi E. Toǵjanov Ortalyq kommýnikatsiialar qyzmetinde.
Onyń atap ótýinshe, baǵyttar sanyn ósirmei, óńirler arasyndaǵy áýe qatynasy burynǵy deńgeide saqtalady. Temirjol arqyly jolaýshylar tasymaly qysqarady. Qalalar arasyndaǵy jolaýshylar avtobýsy qatynasyn ýaqytsha toqtatý eskerilgen.
«Óńirler arasynda jeke kólikpen saparlaýǵa ruqsat etiledi. Ýaqyt boiynsha shekteýlerdi eskere otyryp, qoǵamdyq kóliktiń jumysy saqtalady»,- dedi Úkimet basshynyń orynbasary.
